ا. اتامبايەۆ قىرعىزستاندى ترانزيتتىك ەلگە اينالدىرۋعا ۋادە ەتتى - فوتو

وسى تاريحي اكتىگە سايكەس، قىرعىز رەسپۋبليكاسى تاۋەلسىز، ەگەمەن، دەموكراتيالىق مەملەكەت بولىپ جاريالاندى.
باستى مەملەكەتتىك مەرەكە - ەلدىڭ تاۋەلسىزدىك كۇنىمەن قىرعىزستاندىقتاردى كەشە قىرعىزستان پرەزيدەنتى المازبەك اتامبايەۆ قۇتتىقتاپ، بىشكەكتەگى الا- توو الاڭىنداعى مەرەكەلىك شارالاردى اشتى.
«تاۋەلسىزدىك كۇنى بارلىق وتانداستارىمىزدى بىرىكتىرەدى. بۇگىن قىرعىزستاننىڭ تاۋەلسىزدىگىنىڭ جيىرما ءتورتىنشى جىلىندا ءبىز تاۋەلسىز ەل رەتىندە العان باعىتىمىز ءوزىنىڭ جەمىستەرىن بەرە باستادى دەپ سەنىممەن ايتا الامىز»، - دەپ اتاپ ءوتتى ا. اتامبايەۆ.
مەملەكەت باسشىسى وسى جەردە رەسپۋبليكانىڭ ءوز تاريحىندا تۇڭعىش رەت ەنەرگەتيكالىق تاۋەلسىزدىككە قول جەتكىزگەنىن اتاپ ءوتتى.
اتامبايەۆ سونداي- اق الداعى ەكى جىلدا قىرعىزستاننىڭ كولىك تاۋەلسىزدىگىنە قول جەتكىزۋى بويىنشا جۇمىستاردىڭ اياقتالاتىنىن ايتتى.
«بارلىق ەلدى مەكەندەر ءوز ەلىمىزدىڭ اۋماعىمەن وتەتىن ءبىرىڭعاي ءارى ۇزدىكسىز كولىك جولدارىمەن بايلانىستىرىلاتىن بولادى. قىرعىزستان تۇيىق ەلدەن ترانزيتتىك ەلگە اينالادى»، - دەدى پرەزيدەنت.
«ق ح ر- دان تاجىكستان مەن قازاقستان باعىتىندا جۇك اعىمدارى وتەتىن حالىقارالىق اۆتوجولدار قۇرىلىسى اياقتالىپ قالدى»، - دەدى ەل باسشىسى.
ءبىرقاتار مەملەكەتتەر باسشىلارى قىرعىزستان پرەزيدەنتى المازبەك اتامبايەۆتى جانە قىرعىزستاندىقتاردى مەرەكەمەن قۇتتىقتاپ، ەلگە باق- بەرەكە، وركەندەۋ مەن ىلگەرىلەۋ تىلەدى.