مينيستر «قازاق حاندىعى» فيلمى باس رەجيسسەرىنىڭ باستى رولدەرگە ءوز تۋىستارىن تىقپالاۋىن قولدامايتىندىعىن ايتتى

بۇل تۋرالى ق ر مادەنيەت جانە سپورت ءمينيسترى ارىستانبەك مۇحامەدي ۇلى ق ر پارلامەنتى 5- سەسسياسىنىڭ اشىلۋ راسىمىنەن كەيىن عالامتوردا جاريا ەتىلگەن داۋلى ءۇنتاسپا جازباسىنا قاتىستى تۇسىنىك بەردى.
«قازاق حاندىعى» فيلمىن قارجىلاندىرۋ تۋرالى سۇراق مينيسترگە كەڭەستەن اۋديوجازبادا ايتىلعان فيلم تۇسىرۋگە بولىنگەن قارجى قازىردىڭ وزىندە دە جۇمسالىپ بىتكەنى تۋرالى اقپارات ينتەرنەتتە پايدا بولۋىنا بايلانىستى قويىلعان بولاتىن.
«بۇل جەردە ەشقانداي قۇپيا بولعان ەمەس. ول وسىدان شامامەن 1 اي بۇرىن وتكەن اشىق جيىن بولاتىن، ديكتافوندار تۇردى. شىندىعىندا اشىق اڭگىمە جۇرگىزىلدى. بىزدەرگە ەڭ باستىسى پروتسەستى العا ىلگەرىلەتۋ بولدى. ماسەلە نەگە وتكىر تۇر؟ وزدەرىڭىز دە بىلەسىزدەر، باسپا سوزدە بولىنگەن اقشانىڭ قازىرگى ۋاقىتتا جۇمسالعاندىعى، فيلمنىڭ توقتاپ قالعانى ايتىلعان ەدى. ال نەگىزىنەن بولىنگەن اقشا كەشەۋىلدەتىلگەن بولاتىن. مەن تەحنيكالىق كەدەرگىلەردىڭ شىعۋ توركىنىن انىقتاپ، سەبەپتەرىن ءبىلۋ ءۇشىن بارعان ەدىم. ارينە، ءتۇرلى زاڭدىق كەلىسپەۋشىلىكتەر ورىن العان. ءبىز ماسەلەلەردى شەشتىك»، - دەدى مينيستر ب ا ق وكىلدەرىنىڭ عالامتورداعى قازاق حاندىعى سەريالىنا قاتىستى جيىنداعى ءۇنتاسپانىڭ جاريا ەتىلۋىنە قاتىستى ساۋالىنا.
ونىڭ اتاپ وتۋىنشە، قازاق حاندىعىنا قاتىستى سەريالدى ءتۇسىرۋ ءجۇرىپ جاتىر، وندا مەملەكەت باسشىسى دا بولدى، جۋرناليستەر دە كوردى. «بۇل شىنىندا دا قىزىقتى جوبا بولادى دەپ ويلايمىن. ءبارىمىز دە بۇل جوبانى اسىعا كۇتۋدەمىز»، - دەدى ول.
سونىمەن قاتار مينيستر سەريالدىڭ باس رەجيسسەرىنىڭ باستى رولدەرگە ءوز تۋىستارىن تىقپالاۋىن قولدامايتىنىن دا اتاپ ءوتتى، بۇل ماسەلە دە سول جيىندا ايتىلعان بولاتىن.
اۆتور: مارلان جيەمباي