12:33, 01 - قىركۇيەك 2015 | GMT +5
جاس اقىندار اراسىندا جىر ءمۇشايراسى جاريالاندى
استانا. قازاقپارات - 2015 - جىلدىڭ 17 - تامىزى مەن 17 - قىركۇيەگى ارالىعىندا الماتى قالاسىنىڭ اكىمدىگى مەن قازاقستان جازۋشىلار وداعى بىرلەسىپ «جاس قالام» جىر بايقاۋىنا شىعارمالار قابىلدايدى، دەپ حابارلايدى الماتى قالاسىنىڭ مادەنيەت باسقارماسىنان.

ءمۇشايراعا قاتىسۋعا نيەت بىلدىرگەن جاسى 35 كە دەيىنگى اقىندار الماتى قالاسىنا ارناعان ولەڭ- جىرلارىن جولداي الادى.
شىعارمالارى ۇزدىك دەپ تانىلعان تالانتتاردى ماراپاتتاۋ ءراسىمى «قالا كۇنى» مەرەكەسى اياسىنداعى «انا ءتىلىم ارداعىم» بايقاۋىندا سالتاناتتى جاعدايدا وتەدى. بۇل جەردە جۇلدەگەر اقىندار ءوز شىعارمالارىن وقۋعا مۇمكىندىك الادى، ارنايى ديپلومدار مەن باعالى سىيلىقتارعا يە بولادى.
اقىندار ولەڭدەرى مەن وزدەرى تۋرالى مالىمەتتەردى [email protected] ەلەكتروندى پوشتاسىنا جولداۋلارىنا نەمەسە 2725881 انىقتاما تەلەفونىنا حابارلاسىپ، ءمۇشايرا تۋرالى بىلۋلەرىنە بولادى.