مەملەكەت باسشىسى نۇرسۇلتان نازاربايەۆ دەپۋتاتتارعا جوسپارلارىن ايتاتىن بولادى

بۇگىن ق ر پارلامەنتى پالاتالارىنىڭ بىرلەسكەن وتىرىسىندا ءماجىلىس ءتوراعاسى قابيبوللا جاقىپوۆ وسىلاي ءمالىم ەتتى.
«بۇگىن پارلامەنتتىڭ بەسىنشى سەسسياسى ءوز جۇمىسىن باستادى. كانيكۋل كەزىندە جاقسى تىنىعىپ، ايماقتارداعى سايلاۋشىلارمەن كەزدەسىپ قايتقان بولارسىزدار. ال ەندى قازىرگى تاڭدا ءبىزدىڭ الدىمىزدا ەلباسىنىڭ تاپسىرمالارىن ورىنداۋ جونىندەگى وراسان زور قاۋىرت ءارى جاۋاپتى جۇمىس تۇر. بۇل بىزدەن قاي كەزدەگىدەي پارلامەنتتىڭ قوس پالاتاسى ءماجىلىس پەن سەناتتىڭ ۇيلەسىمدى، بىرلەسكەن جانە ۇيىمشىل جۇمىسىن، ءارقايسىمىزدان زور جاۋاپكەرشىلىك پەن جوعارى كاسىبيلىكتى تالاپ ەتەدى. ەلباسى مەملەكەتتىك ساپارىنان كەلگەننەن كەيىن سىزدەرگە جوسپارلارىن ايتاتىن بولادى. وسى جۇمىستا بارشاڭىزعا ساتتىلىك تىلەيمىن»، - دەدى ءماجىلىس ءتوراعاسى.
ەستەرىڭىزگە سالا كەتەيىك، مەملەكەت باسشىسى نۇرسۇلتان نازاربايەۆ مەملەكەتتىك ساپارمەن قىتاي حالىق رەسپۋبليكاسىندا ءجۇر. «وسىعان بايلانىستى «ق ر پارلامەنتى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭىنىڭ التىنشى بابىنىڭ بەسىنشى تارماعىنا سايكەس، ماعان پارلامەنت ءماجىلىسىنىڭ ءتوراعاسى رەتىندە قازاقستان رەسپۋبليكاسى پرەزيدەنتىنىڭ بەرگەن تاپسىرماسى بويىنشا بەسىنشى سايلانعان ق ر پارلامەنتىنىڭ بەسىنشى سەسسياسىن اشىق دەپ جاريالاۋعا رۇقسات ەتىڭىزدەر»، - دەدى ق. جاقىپوۆ.
اۆتور: رۋسلان عابباسوۆ