قىتاي ەلىندە سوتتالعان اقجارقىن تۇرلىبايدىڭ ەكستراديتسيالانۋىنا ءۇمىت پايدا بولدى - قورعاۋشى س. نۇرماعامبەتوۆ

استانا. قازاقپارات - قىتاي ەلىندە سوتتالعان قازاقستاندىقتار، سونىڭ ىشىندە اقجارقىن تۇرلىبايدىڭ ەكستراديتسيالانۋىنا ءۇمىت پايدا بولدى،
None
None

  دەپ حابارلادى فەيسبۋك الەۋمەتتىك جەلىسىندەگى جەكە پاراقشاسىندا بويجەتكەننىڭ قورعاۋشىسى سۇڭقار نۇرماعامبەتوۆ.

«ق ر پرەزيدەنتى ن. ءا. نازاربايەۆتىڭ ق ح ر- عا جاساعان ساپارىنىڭ بارىسىندا مەن، اقجارقىن تۇرلىبايدىڭ وتباسى كۇتىپ جۇرگەن ق ر مەن ق ح ر اراسىندا 2011 - جىلدىڭ 22 - اقپانىندا سوتتالعان تۇلعالاردى تاپسىرۋ كەلىسىمى تۋرالى راتيفيكاتسيالىق گراموتالارمەن الماسۋ حاتتاماسىنا قول قويىلدى. بۇعان دەيىن ق  ر س ءى م قۇجاتقا قىتايلىق تاراپتىڭ رەسمي قول قويۋى (كەلىسۋى) عانا قالعانىن حابارلاعان بولاتىن.

راتيفيكاتسيالىق گراموتالارمەن الماسۋ پروتسەدۋراسى - ۇلتتىق زاڭنىڭ (راتيفيكاتسيانىڭ) حالىقارالىق كەلىسىمدى بەكىتۋى. ەسكەرەتىن جايت، حالىقارالىق كەلىسىم راتيفيكاتسيالىق گراموتالارمەن الماسۋ كۇنىنەن 30 كۇن وتكەن سوڭ كۇشىنە ەنەدى. مەن مەملەكەت باسشىلارىنىڭ شەشىمىن قولداپ، قابىلدانعان قۇجاتتاردىڭ ءبىزدىڭ ازاماتتارىمىزدىڭ يگىلىگىنە باعىتتالاتىنىن شامالاپ وتىرمىن. اتالعان قۇجاتتىڭ قابىلدانۋى ق ح ر- دا سوتتالعان ازاماتتارىمىزدىڭ ەكستاديتسيالانۋىنا ءۇمىت بەرىپ وتىر»، - دەپ جازدى قورعاۋشى س. نۇرماعامبەتوۆ.

ەسكە سالا كەتەيىك، ق ر سىرتقى ىستەر مينيسترلىگىنىڭ رەسمي وكىلى التاي ابيبۋللايەۆتىڭ بۇعان دەيىن: «قازاقستان مەن قىتايدىڭ دوستىق قاتىناستارىن ەسەپكە الا وتىرىپ، 2011 - جىلى ەلدەر اراسىندا سوتتالعان تۇلعالارمەن الماسۋ كەلىسىمشارتىنا قول قويىلدى، قازاقستان پارلامەنتى بۇل كەلىسىمشارتتى 2013 - جىلى بەكىتكەن، الايدا قىتايلىق تاراپ بەكىتۋ ماسەلەسىن قاراستىرىپ وتىر»، دەپ تۇسىنىكتەمە بەرىپ وتكەن.

20 جاستاعى قازاقستاندىق ستۋدەنت اقجارقىن تۇرلىباي 2014 - جىلدىڭ ناۋرىز ايىندا گۋاڭجوۋ قالاسىنىڭ اۋەجايىندا ەسىرتكىلىك زاتتاردى كونتراباندالاۋدا ايىپتى دەپ تانىلىپ، ۇستالعان. بويجەتكەن قىتايعا ساتۋعا ارنالعان برەند كيىمدەرىن الۋ ءۇشىن بارعان. ا. تۇرلىبايدىڭ ايتۋىنشا، ەسىرتكىنى وعان كلۋبتا كەزدەيسوق تانىسقان ادامدار تاستاعان. قازاقستاندىق بويجەتكەنگە ءومىرىنىڭ سوڭىنا دەيىن تۇرمەگە قامالۋ جازاسى بەرىلدى. اقجارقىن تۇرلىبايدىڭ قورعاۋ تاراپى كەيىنىرەك ۇكىمگە شاعىم بەرەتىنىن مالىمدەگەن.

سوڭعى جاڭالىقتار