ورال پۇتى الەمدەگى ەڭ كونە ءمۇسىن بولىپ تانىلدى

بۇل تۇجىرىمدار رەسەي جانە گەرمانيا عالىمدارىنىڭ بىرلەسكەن زەرتتەۋلەرىنەن كەيىن جاسالعان، دەپ حابارلايدى ت ا س س.
«ورىس جانە نەمىس عالىمدارىنىڭ بىرلەسكەن زەرتتەۋلەرىنىڭ قورىتىندىسى بويىنشا، شيگير پۇتىنىڭ جاسى - 11 مىڭ جىل. وسىلايشا، ونىڭ جاسى مىسىر پيراميدالارىنان شامامەن ەكى ەسە ۇلكەن بولىپ شىقتى. سونداي- اق، عالىمدار پۇتتىڭ بالقاراعايدان جاسالعانىن راستادى»، - دەپ باياندادى سۆەردلوۆسك وبلىستىق ولكەتانۋ مۇراجايىنىڭ ديرەكتورى ناتاليا ۆەتروۆا.
ۇلكەن شيگير پۇتى 1890 - جىلى نيەۆيانسك قالاسىنىڭ جانىنداعى شيگير شىمتەزەكتى باتپاعىن وڭدەۋ كەزىندە تابىلعان. جەردىڭ يەسى گراف ا. ا. ستەنبوك- فەرموردىڭ امىرىمەن ءمۇسىن ورالدىڭ جاراتىلىستانۋ اۋەسقويلارى بىرلەستىگى - سۆەردلوۆسك وبلىستىق ولكەنتانۋ مۇراجايىنا ساقتاۋعا بەرىلگەن.
پۇتتىڭ بيىكتىگى 5 مەتردى قۇرايدى. ول بالقاراعاي دىڭىنەن قاشالعان. عالىمداردىڭ مالىمەتتەرىنشە، مۇسىنگە ورالدىق اڭشىلار، بالىقشىلار تابىنعان.
«ول جاسى 157 جىلدان كەم ەمەس بالقاراعايدىڭ جارىلعان دىڭىنەن تاس قۇرالمەن قاشالعان. سونداي- اق، پۇتتا ويۋ- ورنەك ىزدەرى كورىنىپ تۇر»، - دەپ حابارلادى رعا ارحەولوگيا ينستيتۋتىنىڭ جەتەكشى قىزمەتكەرى ميحايل جيلين.