07:37, 01 - قىركۇيەك 2015 | GMT +5
كۇيشى ىرىسبەك سىدىقنابي ۇلى دۇنيەدەن ءوتتى
استانا. قازاقپارات - بەلگىلى كۇيشى ىرىسبەك سىدىقنابي ۇلى 34 جاسقا قاراعان قىرشىن شاعىندا دۇنيەدەن ءوتتى، دەپ حابارلايدى kazaitys.kz.

اسىرەسە، التاي، تارباعاتاي كۇيلەرىنىڭ ەتنوگرافيالىق بولمىسىن بۇزباي، شەرتەتىن شەبەر كۇيشى ىرىسبەك قازاق كۇيىن قۇلاعىمەن العان ساناۋلى كۇيشىلەردىڭ ءبىرى ەدى. بۇرىنعى شورساۋساق شالداردىڭ كۇي شەرتىسىن دە سالاتىن.
ىرىسبەك 1982 - جىلى قىتايدىڭ شىنجاڭ ولكەسى التاي قالاسى شەمىرشەك اۋىلىندا دۇنيەگە كەلگەن. 2002 -جىلى قازاقستانعا ورالعان.
سوڭىندا جارى، كىشكەنتاي ەكى ۇلى قالدى.
«بىلىكتى مامان، كىسىلىكتى ازاماتتىڭ جانى ءجانناتتا بولسىن دەپ دۇعا قىلامىز. اتا- اناسى، وتباسى، جاقىندارىنىڭ قايعىسىنا ورتاقتاسىپ، كوڭىل ايتامىز. اللا الدىڭنان جارىلقاعاي!»، دەلىنگەن حابارلامادا.