تومەن بايىتىلعان ۋران بانكىن ورنالاستىرۋدا قازاقستاندى تاڭداۋ تەحنيكالىق تا ساياسي جاعىنان دا قيسىندى - فوتو

اق ءۇيدىڭ وكىلى ءبىزدىڭ ەلگە قازاقستاندا تومەن بايىتىلعان بانكتى ق ر- دا قۇرۋ تۋرالى قازاقستان مەن ماگاتە اراسىنداعى كەلىسىمگە قول قويۋ راسىمىنە قاتىسۋ ءۇشىن كەلدى.
ا ق ش مەملەكەتتىك حاتشىسىنىڭ كومەكشىسى قازاقستانعا كەلگەنى ءوزى ءۇشىن زور قۇرمەت، ەرەكشە ماقتانىش ەكەنىن مالىمدەدى. ونىڭ ايتۋىنشا، ا ق ش پەن قازاقستان اراسىندا يادرولىق قارۋدى تاراتپاۋ سالاسىندا بەرىك ارىپتەستىك ورناعان.
«قازاقستاندى وزىنە تومەن بايىتىلعان ۋران بانكىن قابىلداۋشى ەل رەتىندە تاڭداۋ - تەحنيكالىق تۇرعىدان دا جانە ساياسي تۇرعىدان الساق تا قيسىندى. بۇل بانكتى قۇرۋ بەيبىت يادرولىق باعدارلامانى دامىتۋعا تىرىسقان ەلدەردىڭ وتىنعا قولجەتىمدىلىگى بولاتىنىن بىلدىرەدى. سوندىقتان دا ولاردا ءوز اۋماعىندا قانداي دا ءبىر باسقا باعدارلامانى دامىتۋ قاجەتتىلىگى تۋىندامايدى» ، - دەپ مالىمدەدى ت. كانتريمەن.
بۇدان باسقا، ت. كانتريمەن بۇگىن استانادا قازاقستاندىق تاراپپەن باسقا دا ىنتىماقتاستىق باعدارلامالارىن تالقىلاۋ جالعاساتىنىن اتاپ ءوتتى.
«مەملەكەتتىك دەپارتامەنت اياسىندا الەمنىڭ كوپتەگەن ەلدەرىمەن ىنتىماقتاستىق باعدارلامالارىن دامىتۋمەن اينالىسۋدامىز. اتاپ ايتقاندا، قازاقستان بويىنشا ناقتى ىنتىماقتاستىق باعدارلامالارى شەكارا قىزمەتىنىڭ كاسىبي ماماندارىن وقىتۋدى قامتيدى، سونداي- اق وعان ا ق ش ەنەرگەتيكا مينيسترلىگىنىڭ قاتىسۋىمەن ىنتىماقتاستىق باعدارلاماسى كىرەدى، ونىڭ ماقساتى - قازاقستان زەرتتەۋ رەاكتورلارىندا جوعارى بايىتىلعان ۋراندى تۇتىنۋدى نەمەسە پايدالانۋدى تومەندەتىپ، ولاردى تومەن بايىتىلعان وتىندى پايدالانۋعا اۋىستىرۋ. سونىمەن قاتار ا ق ش قازاقستاندىق ماماندار ءۇشىن بيولوگيالىق قاۋىپسىزدىك بويىنشا ترەنينگتەر وتكىزۋگە مۇددەلى»، - دەدى امەريكالىق وكىل.
سونداي- اق استاناعا كەلگەن امەريكالىق دەلەگاتسيا قۇرامىندا ا ق ش- تىڭ بۇرىنعى سەناتورى «يادرولىق قاۋىپتى قىسقارتۋ باستاماسى» قورىنىڭ پرەزيدەنتى سەم نانن بار. «ساپفير» قورىنىڭ جوباسى قازاقستانعا كەڭەس وداعى تاراعاننان كەيىنگى قالعان 600 كەلى ۋراندى زارارسىزداندىرۋعا كومەكتەستى.