جانار داۋكەيەۆا: ينديرا راسىلحانعا پيار كەرەك بولعان شىعار - فوتو

وسىدان كەيىن جانار داۋكەيەۆا ءاندى ۇرلاماعانىن ايتىپ، باسقاشا مالىمدەمە جاسادى، دەپ جازادى baistars.kz.
جانار داۋكەيەۆا:
«سابىر ءتۇبى- سارى التىن» دەمەكشى ۇندەمەدىم. ءبىراق قويار ەمەس. قوشتاسۋ ءانىنىڭ اۆتورى: باۋىرجان وسكەنبەكوۆ. مەن ورىنداۋشىمىن، ماعان ساتىپ الىپ بەرگەن. ينديرا راسىلحان ءبارىن تاڭ قالدىردى. «جانار داۋكەيەۆا مەنىڭ ءانىمدى ۇرلاپ الىپتى» دەپ جاريا ەتىپتى. نە ءۇشىن ولاي جاساعانىن تۇسىنبەدىم. كەشە عانا ەكەۋمىز تەلەفونمەن سويلەستىك، ءنومىرىمدى جاقسى بىلەدى. شىن مانىندە ۇرلاسام، نەگە وزىمە حابارلاسىپ ايتپايدى؟ نەگە حالىقتى الداپ، مەنى بالاعاتتايدى ەلدىڭ الدىندا؟ الدە مەنى جاس ءانشى دەپ باسىنعاندارى ما؟ بۇل ءاننىڭ ءوز يەسى بار. ينديرانىڭ ءانى ەمەس، ونى ءوزى جاقسى ءبىلىپ تۇر. سوعان قاراماستان مەن ءوزىم حابارلاستىم. «نەگە حالىقتى شۋلاتىپ جاتىرسىز؟ جازعاندارىڭىزدى ءوشىرىپ، ءوزىمىز شەشەيىك» دەپ ەدىم، وعان كونبەدى. سوعان قاراعاندا، ينديراعا پيار كەرەك بولعان شىعار. ءان ماعان «باسىندا ينديراعا بەرگەنبىز، ءبىراق ول دۇرىس ورىنداي المادى. ءان ەشقايدا تاراتىلعان جوق، سەن ايت» دەپ بەرىلگەن.
مەنىڭ ورىنداۋىمداعى ءان ءبارىنىڭ كوڭىلىنەن شىققان سوڭ، ءاننىڭ يەسى ماعان بەردى. ينديرا راسىلحاننىن ەش قاتىسى جوق بۇل انگە. نەگە مەن انشىدەن رۋحسات سۇراۋىم كەرەك؟ مەن ولاردىڭ مۇنداي بىلىقتارىنا ارالاسپايمىن» ، - دەدى جانار داۋكەيەۆا.
بۇعان دەيىن ينديرا راسىلحان:
«مەنىڭ وسى ءانىمدى رۇقساتىمسىز ايتىپ جۇرگەنىن بۇگىن ەستىپ، ءوزىم تاڭ قالدىم. سوندا بىزدە ءانشىنىڭ قادىرى قايدا قالدى دەگەن وي قاتتى مازالاپ وتىر. ايتىلىپ قويعان ءاننىڭ ارقاسىندا تانىمال بولعىسى كەلىپ جۇرگەن ول - جانار داۋكەيەۆا. ارعى جاعىن وزدەرىڭىز سارالاڭىزدار»، - دەپ ءانشى رەنىشىن ءبىلدىردى.