18:22, 31 - تامىز 2015 | GMT +5
توكيودا مىڭداعان جاپون اتازاڭعا وزگەرىس ەنگىزۋگە قارسى شىقتى
استانا. قازاقپارات - توكيودا ەل پارلامەنتى عيماراتىنىڭ الدىندا مىڭداعان ادام نارازىلىق شاراسىنا جينالدى. ولار جاپون ارمياسىنىڭ مەملەكەت شەكاراسىنان تىس جەرلەردەگى اسكەري ءىس- قيمىلدارعا قاتىسۋىنا رۇقسات ەتەتىن زاڭنىڭ قابىلدانۋىنا قارسىلىق تانىتتى،

دەپ حابارلادى «بي-بي-سي» اگەنتتىگى.
نارازىلىق اكسياسىنا ەل پرەمەر- ءمينيسترى سيندزو ابەنىڭ رەفورمالارىنا كۇمانمەن قارايتىندار: نەگىزىنەن، جاستار، ستۋدەنتتەر قاتىستى.
ولار جاپونيانىڭ سوعىس، زورلىق- زومبىلىققا قارسى كونستيتۋتسياسىنىڭ ساقتالۋىنا مۇددەلى.
پوليتسيا ميتينگتى تاراتقان جوق. ولار تەك، ساپقا تۇرىپ، جينالعاندارعا جول- كولىك قوزعالىسىنا كەپتەلىس تۋعىزباۋ ءۇشىن توپىرلاماۋدى سۇرادى.