ۆاليۋتانى ەركىن اينالىمعا جىبەرۋ، ەكونوميكانى كۇشەيتەدى - پەترو سالۆاتوري

استانا. قازاقپارات - ۆاليۋتانى ەركىن اينالىمعا جىبەرۋ ەكونوميكانى ودان ءارى كۇشەيتۋگە مۇمكىندىك بەرەدى. سوندىقتان قازاقستان بيلىگىنىڭ شەشىمى وتە دۇرىس.
None
None

يتاليا ساراپشىسى، Huffington Post باسىلىمىنىڭ ساياسي شولۋشىسى وسىنداي پىكىر ايتتى، دەپ حابارلايدى  24.kz.

ونىڭ پايىمداۋىنشا، قازىرگى مۇناي باعاسىنىڭ تومەندەپ جاتقانى، رەسەي جانە قىتاي ۆاليۋتالارىنىڭ السىرەۋى الەم ەكونوميكاسىنا قاتتى سوققى بولىپ ءتيدى. سوندىقتان ۆاليۋتانى كۇشتەپ ءبىر باعامدا ۇستاۋ كىم- كىمگە دە ءتيىمسىز. ساراپشىنىڭ پىكىرىنشە، ۆاليۋتانى ەركىن اينالىمعا جىبەرۋ شەشىمى بولاشاقتا ءوز جەمىسىن بەرەدى.

«يتاليانىڭ قازىرگى ەكونوميكالىق ساياساتى ريمدە ەمەس، بەيجىڭدە جاسالادى. ءبىر قاراعانعا سىرتتاي ايتىلعان اڭگىمە سياقتى. الايدا اقيقاتى وسى بولىپ وتىر. بۇل الەم ەلدەرىنىڭ ەكونوميكاسى ءبىر- بىرىنە وتە تاۋەلدى ەكەنىن بىلدىرەدى. سوندىقتان قازىر بارلىق مەملەكەت وزىنشە وڭتايلى شەشىم ىزدەۋدە. بۇل تۇرعىدا ۆاليۋتانى ەركىن اينالىمعا جىبەرۋ ەكونوميكانى ودان سايىن كۇشەيتۋگە مۇمكىندىك بەرەدى دەپ ەسەپتەيمىن»، - دەيدى Huffington Post باسىلىمىنىڭ ساياسي شولۋشىسى پەترو سالۆاتوري. 

سوڭعى جاڭالىقتار