استانالىقتار قۇرمەت قاراۋىل روتاسىنىڭ قارۋ قولدانۋداعى ونەرىن تاماشالادى - فوتو

كەشە استانا قالاسىندا قالا تۇرعىندارى مەن قوناقتارى ءۇشىن قازاقستان رەسپۋبليكاسى مەملەكەتتىك كۇزەت قىزمەتىنىڭ كونستيتۋتسيا كۇنىنىڭ 20 جىلدىق مەرەيتويىنا جانە قازاق حاندىعىنىڭ قۇرىلعاندىعىنا 550 جىل تولۋىنا وراي ۇيىمداستىرىلعان قۇرمەت قاراۋىل روتاسىنىڭ جانە پرەزيدەنتتىك ۇرمەلى وركەسترىنىڭ پلاتس- كونسەرتى ءوتتى.
ۇرمەلى وركەستردىڭ ورىنداۋىندا كورەرمەن نازارىنا ا. بەستىبايەۆتىڭ «BeST» كونسەرتتىك مونوگرامماسى مەن ە. راحماديەۆتىڭ «دايراباي» شىعارمالارى، سونىمەن قاتار 80- جىلدارداعى كوپشىلىكتىڭ سۇيىكتى اندەرىنە اينالعان شىعارمالارى ۇسىنالدى.
كورەرمەن قاۋىم سونداي- اق، قۇرمەت قاراۋىل روتاسىنىڭ دايىنداعان ارنايى ساپتىق ءجۇرۋ مەن قارۋ قولدانۋداعى ءتۇرلى امالداردان تۇراتىن جاڭا باعدارلاماسىن تاماشالادى.
بۇل باعدارلامامەن اسكەري قىزمەتشىلەر قىركۇيەك ايىندا ماسكەۋ قالاسىندا قىزىل الاڭدا وتەتىن جىل سايىنعى حالىقارالىق اسكەري- مۋزىكالىق «سپاسسكايا باشنيا» فەستيۆالىندە ونەر كورسەتپەك.
داستۇرگە اينالعان اسكەري دەفيلە رەسپۋبليكامىزدىڭ ەڭ ەليتالىق اسكەري قۇرىلىمى مەملەكەتتىك كۇزەت قىزمەتىنىڭ وزىندىك ەرەكشەلىگى بولىپ تابىلادى. ءداستۇرلى سالتتاردى دارىپتەي پلاتس- كونسەرتتى ۇيىمداستىرۋشىلار ق ر م ك ق اسكەري قىزمەتشىلەرىنىڭ بويىنداعى اسكەري رۋحتى كۇشەيتىپ، پاتريوتتىق سەزىمدى ارتتىرۋدى كوزدەيدى.