13:32, 01 - قىركۇيەك 2015 | GMT +5
ءيتتىڭ ۇرگەنىنە اشۋلانعان قاريا ءۇش ادامدى اتىپ تاستادى
استانا. قازاقپارات - پورتۋگاليادا ءيتتىڭ ۇرگەنى ءۇشىن تۋعان كورشى داۋى سالدارىنان ءۇش ادام اجال قۇشتى. وقىس وقيعا ليسسابون وڭىرىندە ورىن الدى، دەپ حابارلادى فرانس پرەسس اگەنتتىگى.

كورشىنىڭ ءيتى ءۇشىن ءۇش ادام - قىزمەتتەگى پوليتسەي، كورشى ۇيدە تۇرعان پوليتسەي مەن ونىڭ ۇلى قازا تاپتى. ولار اتىستى ەستىگەندە كومەككە كەلىپ، وزدەرى قۇربان بولدى. اتىستان كەيىن تاعى ءبىر ادام زارداپ شەكتى، دەپ حابارلاندى.
بولجام بويىنشا 77 جاستاعى ەر ادام ادامداردى اتىپ تاستاعاننان سوڭ ءوز- وزىنە قول جۇمساماققا ارەكەتتەنگەن. ونى پوليتسيا ۇستاپ، اۋرۋحاناعا جونەلتتى. وقيعانىڭ ءمان- جايىن انىقتاعاندا بۇل اتىسقا كورشى ءيتىنىڭ توقتاۋسىز ۇرگەنى سەبەپ بولعانى انىقتالدى.