11:10, 31 - تامىز 2015 | GMT +5
ا ق ش سولتۇستىك امەريكانىڭ ەڭ ۇلكەن تاۋىنىڭ اتىن وزگەرتەدى
استانا. قازاقپارات - اق ءۇي سولتۇستىك امەريكانىڭ ەڭ ۇلكەن ماك- كينلي تاۋىنىڭ اتاۋىن دەنالي قىلىپ وزگەرتەتىنىن مالىمدەدى، دەپ حابارلادى Associated Press.

تاۋدىڭ اتىن وزگەرتۋ جاقىن ارادا ا ق ش پرەزيدەنتى باراك وبامانىڭ الياسكاعا رەسمي ساپارى بارىسىندا جۇزەگە اسادى.
ماك- كينلي تاۋى الياسكادا دەنالي ۇلتتىق ساياباعىنىڭ ورتالىعىندا ورنالاسقان. ونىڭ بيىكتىگى 6168 مەتردى قۇرايدى.
بۇل جەردە مەكەندەگەن اتاباسك يندىستەرى بۇل شىڭدى دەنالي دەپ اتاعان. ول «ۇلى» دەگەن ۇعىمدى بىلدىرەدى.
XIX عاسىردىڭ سوڭىندا تاۋدى ا ق ش- تىڭ 25 - پرەزيدەنتى ۋيليام ماك- كينليدىڭ قۇرمەتىنە ونىڭ ەسىمىمەن اتاعان. وگايو شتاتىنىڭ، ماك- كينليدىڭ تۋعان جەرىنىڭ ساياساتكەرلەرى تاۋدىڭ اتىن وزگەرتۋگە قارسى شىقتى.