ي. يلين: قازاقستاندىقتار ۇلكەن ءبىر وتباسىداي تاتۋ- ءتاتتى ءومىر سۇرسە، الماعان اسۋى قالمايدى

«قازاقستاندىقتاردى كونستيتۋتسيا كۇنىمەن قۇتتىقتاپ، ەڭ ىزگى تىلەكتەرىمدى ايتقىم كەلەدى. ەڭ باستىسى، قازاقستان قيىندىقتاردىڭ ءبارىن جەڭسىن. بارلىعىمىز ۇلكەن بىر وتباسىداي تاتۋ- ءتاتتى ءومىر سۇرسەك جانە بىر ەل بولىپ العا باسساق، بىز الماعان اسۋ قالمايدى»، - دەيدى وليمپيادا چەمپيونى.
يليا يلين سونداي- اق جۋىردا جاتتىعۋ بارىسىندا ورناتقان رەكوردى تۋرالى ايتىپ بەردى.
«سوڭعى رەكوردىما ءوزى دە ءالى تاڭ قالامىن. شىنى كەرەك، جاي جاتتىعۋلاردىڭ ءبىرى بولاتىن. جاتتىعۋ بارىسىندا 240 ك گ سالماققا دەيىن وپ- وڭاي كوتەردىم دە ەندى قويايىن دەپ ويلادىم. ءبىراق، ورگانيزم توقتاماي، تاعى كوتەردىم. وسىلايشا، ءوزىمنىڭ جەكە رەكوردىم - 250 ك گ سالماقتى كوتەردىم. ءبىر تۇسىنگەنىم، بۇل مەن ءۇشىن عانا ماڭىزدى رەكورد ەمەس ەكەن، بۇكىل قازاقستان ءۇشىن ماڭىزدى ەكەن. سەبەبى، رەكورد تۋرالى ينتەرنەتكە جازعان سوڭ ەرتەڭىندە بارشا قازاقستاندىقتار مەنى قۇتتىقتاي باستادى. حالقىما ريزاشىلىعىم شەكسىز. راسىندا ماعان كۇش بەرەتىن سىزدەرسىزدەر»، - دەدى ول.
اۆتور: كەنجەكەي توقتامۇرات قىزى