سەرىك قۇسايىنوۆ: اتا زاڭ - ءبىزدىڭ ازاتتىق العالى اتقارعان ىستەرىمىزدىڭ التىن تارازىسى - فوتو

 الماتى. قازاقپارات- بۇگىن الماتىدا «MegaPark» ويىن- ساۋىق ورتالىعىنىڭ الاڭىندا قازاقستان رەسپۋبليكاسى كونستيتۋتسياسىنىڭ 20 جىلدىعىنا ارنالعان «اتا زاڭىم - ايبىنىم!» اتتى مەرەكەلىك ءىس- شارا ءوتتى.
None
None

ءوزىنىڭ العى سوزىندە المالى اۋدانىنىڭ اكىمى سەرىك قۇسايىنوۆ بۇگىنگى دۋمانعا جينالعان قالا تۇرعىندارى مەن قوناقتارىن كونستيتۋتسيا كۇنىمەن قۇتتىقتاپ، اتا زاڭنىڭ تاۋەلسىز قازاقستان تاريحىندا الار ورنىنىڭ ەرەكشە ەكەندىگىن اتاپ ءوتتى.

 «اتا زاڭ - ءبىزدىڭ ازاتتىق العالى اتقارعان بارلىق ىستەرىمىزدىڭ التىن تارازىسى! سوندىقتان، اتا زاڭدى ارداقتاۋ - كەلەشەككە كەرۋەن تارتقان مەملەكەتىمىزدىڭ ءاربىر ازاماتىنىڭ اسىل پارىزى. ەگەمەن ەلىمىزدىڭ مەملەكەتتىلىگىن، تاۋەلسىزدىگىن، دەموكراتيالىق قۇندىلىقتارىن ايعاقتايتىن بىردەن ءبىر قۇجات - بۇل كونستيتۋتسيا. وسىنى ۇمىتپايىق. بۇكىل ەل بولىپ، حالىقتىق رەفەرەندۋم نەگىزىندە قابىلدانعان اتا زاڭ - قازاقستان حالقىنىڭ كۇندەلىكتى ءومىرىنىڭ ايناسىنا اينالدى. بۇگىندە تۇراقتىلىعى نىعايىپ، تىنىشتىعى بۇزىلماعان ەلدەردىڭ قاتارىندا تۇرمىس كەشۋىمىز جيىرما جىلدىق تاريحى بار اتا زاڭىمىزدىڭ ارقاسى. اتا زاڭىمىز - تاۋەلسىزدىگىمىزدىڭ تىرەگى»، - دەدى سەرىك قۇسايىنوۆ.

بۇدان كەيىن اۋدان اكىمى كامەلەت جاسقا تولىپ، ەرەسەك ومىرگە اياق باسقان ءۇش جەتكىنشەككە ءتولقۇجات تابىس ەتتى.

ءىس- شارا بارىسىندا ۇيىمداستىرىلعان مەرەكەلىك كونسەرتتە قازاقستان ەستراداسىنىڭ اتاقتى جۇلدىزدارى: سۇلۋشاش نۇرماعامبەتوۆا، ارمان دۇيسەنوۆ، قاراگوز تىلەۋبەكوۆا، ق ر مەملەكەتتىك «سالتانات» بي ءانسامبلى، رەسپۋبليكالىق جانە حالىقارالىق ءان بايقاۋلارىنىڭ لاۋرەاتتارى، «ءمولدىر» بي ءانسامبلى جانە اۋدان مەكتەپتەرىنىڭ ونەرپاز جاستارى ءوز ونەرلەرىن ورتاعا سالىپ، جينالعان قاۋىمدى ءتانتى ەتتى.

 سونىمەن قاتار، جاسوسپىرىمدەر اراسىندا اسىق اتۋ، ارقان تارتۋ سەكىلدى ۇلتتىق ويىندار بويىنشا جارىستار ۇيىمداستىرىلدى. جەڭىمپازدارعا ەستەلىك سىيلىقتار تابىس ەتىلدى.

null

null
null

null

سوڭعى جاڭالىقتار