14:05, 30 - تامىز 2015 | GMT +5
استاناداعى ءبىرقاتار الاڭداردا مەرەكەلىك شارالار وتۋدە - فوتو
استانا. قازاقپارات - استاناداعى ءبىرقاتار الاڭداردا كونستيتۋتسيا كۇنىنە وراي مەرەكەلىك شارالار ءوتىپ جاتىر.

اتاپ ايتقاندا، مەرەكەلىك كونتسەرتتەر ەسترادا جۇلدىزدارىنىڭ قاتىسۋىمەن «بايتەرەك» مونۋمەنتى الاڭىندا، ستۋدەنتتىك ساياباقتا جانە ورتالىق الاڭدا ۇيىمداستىرىلدى. سونىمەن قاتار مەرەكەلىك كونتسەرتتىڭ قوناقتارى ءۇشىن پاتريوتتىق جانە حالىق اندەرى، مۋزىكالىق اسپاپتاردا ويناۋ سەكىلدى ءار ءتۇرلى شىعارماشىلىق نومىرلەر ۇسىنىلدى.
ەلوردا تۇرعىندارى مەن قوناقتارى زاتتىبەك كوپبوسىنوۆ، مارجان اراپبايەۆا، دوسىمجان تاڭاتاروۆ، ارداق بالاجانوۆا، «جىگىتتەر» توبى جانە وزگە دە كوپتەگەن تانىمال ارتىستەردىڭ قاتىسۋىمەن وتەتىن قىزىقتى كونسەرتتىك باعدارلامانى تاماشالاۋدا. سونىمەن قاتار، مەملەكەتتىك اكادەميالىق فيلارمونيا ارتىستەرى مەن «تەررا» ءبي تەاترىنىڭ ارتىستەرى دە ءوز شىعارماشىلىعىن كوپشىلىك نازارىنا ۇسىناتىن بولادى.