​ قازاقشا سويلەيتىن وزگە ۇلت وكىلدەرىنە تاڭ قالۋدى قويۋ كەرەك! - وبلىس اكىمى دانيال احمەتوۆ

استانا. قازاقپارات - شىعىس قازاقستاندا 2015-2018 - جىلدارعا ارنالعان كوپ تىلدىلىكتى دامىتۋدىڭ وڭىرلىك باعدارلاماسى ازىرلەندى.
None
None

 شىعىس قازاقستان ​وبلىسىنىڭ اكىمى دانيال احمەتوۆ مۇعالىمدەردىڭ قاتىسۋىمەن قازاق، ورىس جانە اعىلشىن تىلدەرىن وقىتۋ ساپاسىن جوعارىلاتاتىن باعدارلامانى قابىلداۋ ماسەلەسى بويىنشا ارنايى كەڭەس ءوتتى.

 ​ايماق باسشىسىنىڭ تاپسىرماسىنا سايكەس مەكتەپ مۇعالىمدەرى مەن ج و و- نىڭ پروفەسسورلارىنان قۇرالعان جۇمىس توبى ەكى ايدىڭ ىشىندە كوپتىلدىلىكتى دامىتۋدىڭ ايماقتىق باعدارلاماسىن دايىندادى.

 ​باعدارلامانىڭ نەگىزگى ماقساتى قاجەتتى ۇيىمدىق، ادىستەمەلىك، پەداگوگيكالىق جانە قارجىلىق جاعدايدى قۇرۋ بولىپ تابىلادى.

 ​-  ءبىز قاجەتتى كولەمدە قارجىلاندىرامىز. باعدارلاما ءتىلدى ۇيرەتۋدەگى ماسەلەلەردى جويۋدى قاراستىرۋ قاجەت. ول ءۇش ءتىلدى ەركىن مەڭگەرۋگە مۇمكىندىك بەرەدى. وزگە ۇلتتىڭ وكىلدەرىنىڭ بىرەن- سارانى قازاقشا سويلەپ، قازاقشا ءان ايتقانىنا ءماز بولىپ جۇرە بەرەتىن زامان ءوتتى. قازاق ءتىلىن مەكتەپتەردە تەرەڭىرەك وقىتۋ كەرەك، - دەدى دانيال احمەتوۆ.

 ​باعدارلامانى ءۇش كەزەڭدە جۇزەگە اسىرۋ قاراستىرىلۋدا. 2015-2016 - جىلدارى اعىلشىن ءتىلى مۇعالىمدەرىنىڭ قوسىمشا جۇمىسىن قارجىلاندىرۋ ماسەلەسى شەشىلسە، 2016-2017 - جىلدارى اعىلشىن، قازاق (ورىس ءتىلدى مەكتەپتەر ءۇشىن)، ورىس (قازاق ءتىلدى مەكتەپتەر ءۇشىن) تىلدەرىندە وقۋ ماتەريالدارى دايىندالادى.

 ​سونىمەن قاتار، ۇ ب ت ورتاشا باللى بويىنشا جاقسى كورسەتكىشتەرگە قول جەتكىزىپ جۇرگەن مۇعالىمدەر قارجىلاي ىنتالاندىرىلاتىن بولادى.

 ​سوڭعى كەزەڭ 2017-2018 - جىلدارى А1, А2, В1 دارەجەسىندەگى جالپى ەۋروپالىق ستاندارتقا سايكەس، وقۋشىلاردىڭ تىلدەردى مەڭگەرۋى باقىلانادى.

 ​ناتيجەسىندە مەكتەپتەردە ءتىلدى ۇيرەتەتىن جاڭا ساپالى وقۋ جۇيەسى پايدا بولادى. ايماقتىق باعدارلامانى ءتيىمدى جۇزەگە اسىرۋ ماقساتىندا بريتانيانىڭ قازاقستانداعى ءبىلىم باعدارلامالارى كەڭەسىمەن جانە نازاربايەۆ ۋنيۆەرسيتەتىمەن بايلانىس ورناتىلدى. اۋىزەكى ءتىل تاجىريبەسىن جانە مۇعالىمدەردىڭ ساباق بەرۋ ءادىسىن جەتىلدىرۋ ءۇشىن وسكەمەن، سەمەي جانە زايسان قالالارىندا 3 وقىتۋ ورتالىعى اشىلادى.

​بۇگىن جيىن بارىسىندا مەكتەپ باسشىلارىنا، قازاق، ورىس جانە اعىلشىن ءتىلى مۇعالىمدەرىنە باعدارلامانىڭ جوباسى تانىستىرىلدى. قۇجات وڭ باعاعا يە بولدى. وبلىس اكىمى قوسىمشا تولىقتىرۋلار بويىنشا ايتىلعان ۇسىنىستاردى ەسكەرە وتىرىپ، ءبىر ايدىڭ ىشىندە باعدارلامانى اياقتاپ بەكىتۋگە ەنگىزسىن دەگەن تاپسىرما بەردى.

«شىن- اقپارات»

سوڭعى جاڭالىقتار