11:13, 30 - تامىز 2015 | GMT +5
بولىنگەن سيام ەگىزدەردىڭ ءبىرى زيتا ماسكەۋ اۋرۋحاناسىنان شىقتى
استانا. قازاقپارات - ماسكەۋ اۋرۋحاناسىنان 28 - تامىزدا قىرعىزستاندىق بەلگىلى ەكى ەگىزدەردىڭ ءبىرى زيتا رەزاحانوۆانى شىعاردى، دەپ حابارلادى lifenews.ru.

اناسىنىڭ سوزىنە قاراعاندا، 23 جاستاعى قىز سوڭعى اپتادا ءوزىن جاقسى سەزىنگەن. اق حالاتتىلار زيتانىڭ جاعدايىن رەتكە كەلتىرىپ، ۇيىنە جىبەرگەن.
12- تامىزدا 23 جاستاعى زيتا رەزاحانوۆا اۋىر حالدە ماسكەۋ اۋرۋحانالارىنىڭ ءبىرىنىڭ رەانيماتسيا بولىمىنە جەتكىزىلگەن بولاتىن.
ەسكە سالا كەتەيىك، سيام ەگىزدەرى زيتا مەن گيتا رەزاحانوۆالار 1991 - جىلى 19 - قازاندا شۋ وبلىسى سوكۋلۋك اۋدانى باتىس اۋىلىندا دۇنيەگە كەلگەن. ەكى قىزدىڭ ورتاق ءۇش اياعى، ورتاق جامباسى بولعان. 2003 - جىلى 26 - ناۋرىزدا ماسكەۋدە فيلاتوۆ اتىنداعى بالالار كلينيكالىق اۋرۋحاناسىندا 30 ادامنان تۇراتىن ءبىر توپ رەسەيلىك حيرۋرگ الەكساندر رازۋموۆسكيدىڭ باسشىلىعىمەن ەگىزدەردى ءبولۋ بويىنشا ءساتتى وتا جاسادى.
زيتا مەن گيتا ءساتتى بولىنگەن الەمدەگى تۇڭعىش ءارى جالعىز سيام ەگىزدەرى.