قاسيەتتى قۇران باعى اشىلادى
60 گەكتار اۋماقتاعى الىپ باق قوناقتارعا قاسيەتتى قۇران كارىم ارقىلى مۇسىلماندارعا جەتكەن عاجايىپ سىرلارمەن بولىسەدى.
قاسيەتتى باقتىڭ ەرەكشەلىكتەرىنە توقتالا كەتسەك، مۇندا قۇراندا اتالعان 54 وسىمدىك تۇرلەرى وسىرىلەتىن عاجايىپ يسلام باعى بولادى. قوناقتار باقتان ادامزات پلانەتاسىنان جويىلىپ كەتكەن ءۇش ءتۇرلى وسىمدىكتى عانا كورە المايدى. سونداي- اق باق مەيماندارى بۇل وسىمدىكتەردى كورۋمەن شەكتەلمەي، ولاردىڭ ەمدىك قاسيەتتەرى تۋرالى مالىمەتتەرمەن قانىعا الادى.
دۋبايداعى وسىنداي عاجايىپ ساياباق قۇرىلىسىنا 7,3 ميلليون دوللار جۇمسالعان. بۇعان قوسا، بۇل ساياباقتا بالالار ويىن الاڭى، ۇرما بۇرىشى، اشىق اسپان تەاترى، جۇگىرۋ جانە ۆەلوسيپەد ايداۋعا ارنالعان الاڭقايلارى بولادى.
سونىمەن قاتار كەلۋشىلەر بۇل باقتا قاسيەتتى قۇران اياتتارىن تىڭداپ، قۇران تاريحى تۋرالى بەينەماتەريالدار تاماشالاي الادى.
امىرلىك استاناسى تەحنولوگيا سالاسىنداعى عاجايىپ جەتىستىكتەرىمەن الەمدى تاڭعالدىرۋدا. تاياۋ ۋاقىتتا دۋبايدا 1400 ءتۇپ اعاشتان تۇراتىن پالما باعى مەن قۇرما بازارى اشىلادى.
