09:48, 30 - تامىز 2015 | GMT +5
بۇگىن استانادا تەڭگە ىلۋدەن ازيا چەمپيوناتى جانە اساۋ ۇيرەتۋدەن رەسپۋبليكالىق تۋرنير وتەدى
استانا. قازاقپارات - بۇگىن، 30 - تامىز كۇنى استانا قالاسىندا «نۇر وتان» پارتياسىنىڭ قولداۋىمەن ق ر ۇلتتىق سپورت تۇرلەرى قاۋىمداستىعى قازاقستان حالقى اسسامبلەياسىنىڭ جىلى اياسىندا ق ر كونستيتۋتسياسىنىڭ 20 جىلدىعىنا وراي تەڭگە ىلۋدەن 1- اشىق ازيا چەمپيوناتى جانە اساۋ ۇيرەتۋدەن رەسپۋبليكالىق تۋرنير ۇيىمداستىرادى.

اۋقىمدى شاراعا قىتاي، موڭعوليا، وزبەكستان، تاجىكستان، رەسەي، قىرعىزستان، تۇركيا، ۆەنگريا، ازەربايجان رەسپۋبليكالارىنىڭ سپورتشىلارى قاتىسادى، دەپ حابارلايدى nurotan.kz.
«نۇر وتان» پارتياسى تەك قانا تەڭگە ءىلۋ جانە مىنا اساۋ ۇيرەتۋ، «التىن تۇلپاردان» باسقا، ايتىسقا دا ءوزىنىڭ ۇلەسىن قوسىپ، قولداۋىن كورسەتىپ كەلەدى. «بۇركىتشىلەر»، اۋدارىسپاقتان جارىستار ءوتتى، «قازاقستان بارىسىندا» ءوزىنىڭ قولداۋىن كورسەتىپ كەلە جاتىر. سوندىقتان قولداۋلار پارتيا تاراپىنان قاشاندا ءوز جالعاسىن تابا بەرمەك»، - دەدى «نۇر وتان» پارتياسى ءتوراعاسىنىڭ ءبىرىنشى ورىنباسارىنىڭ كەڭەسشىسى بەرىك ءۋالي.