ۇلان- باتىرداعى داشيچويلين عيباداتحاناسىندا يادرولىق قارۋ سىناقتارى قۇرباندارىن ەسكە الدى - فوتو

بەيجىڭ. ۇلان- باتىر. قازاقپارات - قازاقستان رەسپۋبليكاسىنىڭ موڭعولياداعى ەلشىلىگى كەشە، 29 - تامىز - حالىقارالىق يادرولىق سىناقتارعا قارسى كۇرەس كۇنى، اتوم جوباسى اياسىندا موڭعوليانىڭ ۇلان- باتىر قالاسىنداعى بۋدديستەر ورتالىعى - داشيچويلين عيباداتحاناسىندا يادرولىق قارۋ سىناقتارىنىڭ قۇرباندارىن ەسكە الۋ ارنايى شاراسىن وتكىزدى.
None
None

 شارا اياسىندا قاتىسۋشىلارعا  «АТОМ - Abolish Testing is Our Mission» اتتى ارنايى تاقىرىپتىق فوتوكورمە ۇيىمداستىرىلدى.

 ءىس- شاراعا موڭعوليانىڭ قوعامدىق- ساياسي جانە ءدىني تۇلعالارى، ۇلان- باتىرداعى ديپلوماتيالىق كورپۋستاردىڭ جانە حالىقارالىق ۇيىمداردىڭ، قازاق دياسپورالارى، سونداي- اق، جەرگىلىكتى ب ا ق وكىلدەرى قاتىستى.

ەلشى ق. قوبلاندين سويلەگەن سوزىندە قازاقستان ءوز تاۋەلسىزدىگىنىڭ العاشقى كۇندەرىنەن باستاپ عالامدىق قاۋىپسىزدىكتى قامتاماسىز ەتۋ، سونىڭ ىشىندە، جاپپاي قىرىپ- جويۋ قارۋىن تاراتپاۋ جانە يادرولىق قارۋسىزداندىرۋ ماسەلەلەرىن ءبىرىنشى كەزەككە قويعانىن اتاپ ءوتتى.

 پرەزيدەنت ن. نازاربايەۆتىڭ 1991 - جىلعى جارلىعىمەن سەمەي يادرولىق پوليگونىنىڭ جۇمىسى توقتاتىلىپ، قازاقستان يادرولىق الەۋەتتەن ءوز ەركىمەن باس تارتتى. ەلىمىز ۆاشينگتون، سەۋل جانە گااگادا 2010, 2012 جانە 2014 - جىلدارى وتكەن يادرولىق قاۋىپسىزدىك جونىندەگى فورۋمدارعا تۇراقتى قاتىسىپ، بۇۇ باس حاتشىسى پان گي مۋننىڭ مالىمدەگەنىندەي، قازاقستان يادرولىق قارۋدى تاراتپاۋ ۇردىسىندە الەم مويىنداعان كوش باسشىعا اينالدى.

2009 - جىلى ب ۇ ۇ باس اسسامبلەياسى قازاقستان رەسپۋبليكاسىنىڭ پرەزيدەنتى ن. نازاربايەۆتىڭ باستاماسىمەن 29 - تامىزدى حالىقارالىق يادرولىق سىناقتارعا قارسى كۇرەس كۇنى دەپ جاريالادى.

سونىمەن قاتار 2012 - جىلدان بەرى قازاقستاندىق باستامامەن جۇزەگە اسىپ وتىرعان «اتوم» جوباسىنىڭ دا ماڭىزدىلىعى اتاپ ءوتىلدى.

 داشيچويلين عيباداتحاناسىنىڭ باسشىسى حامبا- لاما چ. دامباجاۆ ءوز سوزىندە، پرەزيدەنت ن. نازاربايەۆتىڭ قازاقستاننىڭ عالامدىق قاۋىپسىزدىكتى قامتاماسىز ەتۋ جانە الەمدە بەيبىتشىلىكتى ساقتاۋ ماقساتىنداعى باستامالارىنا باسا نازار اۋداردى. «اتوم» جوباسىنىڭ بۇگىنگى تاڭدا اسا وزەكتى ەكەندىگىن ايتتى.

 عيباداتحانا وكىلدەرى دۇعا وقىپ، قاتىسۋشىلار يادرولىق قارۋ سىناقتارىنىڭ قۇرباندارىن ەسكە الىپ، ءبىر مينۋت ۇنسىزدىك جاريالادى.

null

null

null

null

null

null

سوڭعى جاڭالىقتار