04:21, 30 - تامىز 2015 | GMT +5
جامبىلدىق كاسىپكەرلەرگە تاۋار باعاسىن نەگىزسىز كوتەرۋدىڭ جاۋاپكەرشىلىگى ءتۇسىندىرىلدى
تاراز. قازاقپارات - ايماقتاعى ازىق- تۇلىك جانە وزگە دە تاۋارلاردىڭ باعاسىن تۇراقتاندىرۋ، تاۋارلى بازارلاردا نەگىزسىز باعانىڭ كوتەرىلۋىنە جول بەرمەۋ - ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ جامبىل وبلىسى بويىنشا دەپارتامەنتىندەگى جەكە كاسىپكەرلەر مەن باق وكىلدەرىنە ارنالعان بريفينگتەگى نەگىزگى تاقىرىپقا اينالدى.

بۇل تۋرالى ۆەدومستۆونىڭ باسپا ءسوز قىزمەتىنەن حابارلادى.
«جاۋاپكەرشىلىك قاراستىرىلعان مونوپولياعا قارسى زاڭناما نورماسىنا سۇرانىسقا يە جانە ءوندىرۋ مەن ساتۋ مۇمكىندىگى بار تاۋاردى ءوندىرۋ جانە ونى ساتۋعا شەكتەۋ قويۋ، اينالىمنان تاۋاردى الۋ ارقىلى نارىقتا جاساندى تاپشىلىقتى ورناتۋ، باعانى نەگىزسىز ءوسىرۋ كىرەدى»، - دەدى دەپارتامەنت باسشىسى ءمۇسىلىم قاسىموۆ.
ول ق ر ا ق ك 159 بابىندا اينالىمنىڭ %3 دان %5 عا دەيىنگى ايىپپۇل سالۋ جانە بارلىق مۇلىكتى تاركىلەۋ قاراستىرىلعانىن ەسكە سالدى.
شارالاردى قابىلداۋ ءۇشىن دەپارتامەنتتە تاۋارلاردىڭ باعاسىن ءوسىرۋ بويىنشا جەكە جانە زاڭدى تۇلعالارعا ارنالعان سەنىم تەلەفوندارى قۇرىلدى.
«قازىرگى ۋاقىتتا ايماقتاعى ازىق- تۇلىك نارىعىنداعى جاعداي تۇراقتى»، - دەدى م. قاسىموۆ.