ەركىن اينالىمعا جىبەرىلگەن تەڭگە تۇبىندە دوللارعا تاۋەلدى بولمايدى

استانا. قازاقپارات - جۋىردا عانا ەركىن اينالىمعا جىبەرىلگەن تەڭگە تۇبىندە دوللارعا تاۋەلدى بولمايدى.
None
None

جاڭا ەكونوميكالىق ساياسات وسى ماقساتتا قولعا الىنىپ وتىر ەكەن. ءتول ۆاليۋتامىزدىڭ نارىقتا ەركىن جۇرگەنىنە تۋرا اپتا بولعانى قارساڭىندا، ۇلتتىق بانك وكىلدەرى ءوز ارەكەتتەرىنە وسىنداي تۇسىندىرمە بەردى. سونداي- اق، ماماندار جۋىردا تەڭگە باعامى قانشا بولاتىنى جانە مۇناي باعاسىنىڭ قالاي اسەر ەتەتىنى جايلى دا تۇسىندىرە كەتتى.

ەركىن اينالىم تۋرالى شەشىم وسىدان تۋرا 1 اپتا بۇرىن قابىلدانىپ، سول كەزدە 1 دوللاردىڭ باعامى 255 تەڭگەگە جەتكەن بولاتىن. ارتىنشا قارجىسىن ا ق ش ۆاليۋتاسىندا جيناعاندار تەزىرەك اۋىستىرۋعا اسىققانى بەلگىلى. ءبىراق، ءتۇس اۋا حالىقتىڭ كوبى ايىرباستاۋ پۋنكتەرىنەن تەڭگە تاپپاي سابىلعان ەدى. ۇلتتىق بانك وكىلدەرى، مۇندايدىڭ بولۋى مۇمكىن ەمەس دەپ وتىر.

باقىتجان ساركەيەۆ، ق ر ۇلتتىق بانكى مەملەكەتتىك ورگاندارمەن جۇمىستى ۇيلەستىرۋ جونىندەگى دەپارتامەنتىنىڭ ديرەكتورى:

 - ءبىز مىسالى بارلىق وبلىستاردا، بارلىق ايىرباس پۋنكتەردە 1 جارىم ايعا جەتەتىندەي ءتيىستى قاراجاتپەن قامتاماسىز ەتىلدى. تەڭگە بولسىن، دوللار بولسىن.

بۇدان بولەك، 1 دوللاردىڭ قۇنى 400 تەڭگەدەن اسادى دەگەن اقپارات شىققالى، قاراشا حالىق جيعان- تەرگەنىن قانداي ۆاليۋتادا ساقتارىن بىلمەي دال بولىپ وتىرعانى تاعى بار. اسىرەسە، قۇزىرلى ورگاندار دەمالاتىن اتا زاڭ مەرەكەسىندە قىمباتتاۋى مۇمكىن دەگەن قاۋەسەت كوپتىڭ مازاسىن قاشىرعان. الايدا، ۇكىمەت وكىلدەرى قابىلداعان جاڭا ەرەجەگە سايكەس ايىرباستاۋ بولىمشەلەرى ۆاليۋتا باعامىن دەمالىستار مەن مەرەكەلەردىڭ الدىندا بەكىتىپ، ونى وزگەرتە المايدى ەكەن.

نۇرلان قۇسايىنوۆ، ق ر ۇلتتىق بانكى ءتوراعاسىنىڭ ورىنباسارى:

- ازاماتتارعا دوللاردىڭ وسۋىنەن پايدا تابامىن دەپ ايىرباستاۋ پۋنكتەرىن ارالاماي، مەرەكەنى تويلاۋعا شاقىرار ەدىم. 1 اپتا بويى 240 تەڭگە مولشەرىندە بولعان دوللاردىڭ باعامى تۇراقتى دەپ ايتۋعا بولادى. سوندىقتان قىركۇيەكتىڭ باسىندا اياق استىنان دوللار قۇنى شارىقتاپ نەمەسە كۇرت ارزانداپ كەتۋى ەكىتالاي.

مۇنداي مالىمدەمەنى ەلەمەگەندەردىڭ باسىنا قارا بۇلت ۇيىرىلەتىن سياقتى. ويتكەنى، 1 اپتا ىشىندە تەك استانانىڭ وزىندە زاڭسىزدىققا جول بەرگەن 7 ايىرباستاۋ ءبولىمى انىقتالىپتى. ولاردىڭ بىرەۋى دوللار مەن ەۋرونى قىمباتقا ساتپاق بولعان ءبىر بانكتىڭ فيليالى ەكەن. وسى ورايدا، ۇلتتىق بانك وكىلدەرى ەرەجەنى بۇزعان ايىرباستاۋ ورىندارىنىڭ ليتسەنزياسىنان ايىرىلۋى مۇمكىن ەكەنىن ەسكەرتتى. ماماندار ەڭ باستىسى جاڭا ساياسات تەڭگەنى تاۋەلسىز ەتۋگە باعىتتالعان دەپ وتىر.

باقىتجان ساركەيەۆ، ق ر ۇلتتىق بانكى مەملەكەتتىك ورگاندارمەن جۇمىستى ۇيلەستىرۋ جونىندەگى دەپارتامەنتىنىڭ ديرەكتورى:

 - بارلىق ءبىزدىڭ جاساپ جاتقان ءىس- ارەكەتتەرىمىز نەگىزىنەن تەڭگەنىڭ مارتەبەسىن بيىكتەتۋگە ارنالعان. ىشكى اينالىم، تاۋار اينالىمى بولسىن بارلىعى تەڭگەمەن ءجۇرۋ كەرەك. سوندا دوللار ءوسىپ جاتىر ما، ءتۇسىپ جاتىر ما بايلانىستى بولمايمىز.

سونداي- اق، تەڭگەمەن اشىلعان دەپوزيتتەردىڭ شىعىندارىن وتەۋ ماسەلەسى دە قوزعالدى. بۇل رەتتە ۇلتتىق بانكتە قۇرىلعان جۇمىس توبى وتەماقىلاردى تولەۋ تەتىكتەرىن 5 -قىركۇيەككە دەيىن دايىنداپ، بەكىتۋگە ۇسىنۋى ءتيىس ەكەن.

سوڭعى جاڭالىقتار