11:12, 29 - تامىز 2015 | GMT +5
بانككە شابۋىل جاسالىپ، كاسسيردى اتىپ كەتتى
استانا. قازاقپارات - ماسكەۋدىڭ وڭتۇستىك- شىعىس بولىگىندەگى سبەربانك بولىمىنە بەلگىسىز بىرەۋ باسىپ كىردى.

تراۆماتيكالىق تاپانشامەن قارۋلانعان قىلمىسكەر بانك قىزمەتكەرىن اتىپ، كاسساداعى اقشانى سىپىرىپ كەتكەن.
ۆولگوگراد داڭعىلى، 91 -ءۇي مەكەنجايىندا ورنالاسقان سبەربانك قوسىمشا كەڭسەسىنىڭ 24 جاستاعى كاسسيرى سكليفوسوۆسكي عىلىمي زەرتتەۋ ينستيتۋتىنا جەتكىزىلدى، دەپ حابارلادى ت ا س س. وق ونىڭ جاۋىرىنىنا تيگەن. جاعدايىن دارىگەرلەر ورتاشا اۋىر دەپ باعالادى.
بانك 28 -تامىزدا شامامەن كەشكى ساعات 9 داردا تونالدى. ۇرلانعان سومانىڭ قانشا ەكەندىگى ازىرگە انىقتالا قويعان جوق.
بانكتە جەدەل تەرگەۋ توبى جۇمىس ىستەۋدە. شابۋىل جاساعان ادام ىزدەستىرىلۋدە.