قىزدارىمىز كيىپ جۇرگەن كيىم ولار ءۇشىن وتە زيان

ويتكەنى كوشەلەر قاپتاپ كەتتى. سولاردىڭ ءبىرى قارىنداسىمىز، ءبىرى قىزىمىز ەمەس پە؟ نە دەگەن نەمقۇرايلىلىق! ەندى بىزگە وسىنى ايتۋ ءۇشىن اباي، احمەت، ءاليحاندار ءتىرىلىپ كەلمەيتىنىن ءبارىمىز جاقسى بىلەمىز.
بۇگىن قىزدارىمىز كيىپ جۇرگەن كيىم ولارعا وتە- موتە زيان عوي. سونى ءبىلىپ تۇرىپ نەگە ايتپايمىز؟ مىسالى، دجينسى قىز بالانىڭ ومىرتقاسىنا وتە زيان ەكەنىن بۇگىندە بىرەۋ بىلسە، بىرەۋ بىلمەۋى مۇمكىن.
قىسقا ەتەك كيەتىن، ەشقاشان ۇيات تۋرالى ويلامايتىن قىز بالالاردىڭ بويىنان ايەلگە ءتان گارمونيالاردىڭ دا ازايىپ كەتەتىنى ءمالىم.
- نازىكتىك جوعالادى!
- داۋىس جۋاندايدى!
- سىپايىلىق مىنەز جويىلادى!
- ۇرىسقاقتىق پەن اشۋشاڭدىق قالىپتاسادى!
- دورەكى سوزدەر قىسىلماي ايتىلادى!
- ءناپسىقۇمارلىق ەرەكشە داميدى!
- بوتەن ەركەكتەن قىمسىنۋ مىنەزى كەتەدى!
وسىلار بىزگە كەرەك پە؟ بەيشارا قىزدارىمىز كوز الدىمىزدا قۇرىپ بارا جاتقان جوق پا؟
كيىم - ادامنىڭ ىشكى رۋحىنىڭ كورىنىسى سانالادى. ىشىندە نە بولسا، ادام سونى كيگەن كيىمى ارقىلى دا سىرتقا پاش ەتەدى. قازاقتىڭ يماندى، يبالى، ارى تازا، پاك قىزدارى كيىمىنە مىندەتتى تۇردە ءمان بەرۋى كەرەك.
بۇل ايتىلعاندار ءبىزدىڭ جەكە ويلارىمىز عانا. ءبىراق وسى تاقىرىپتى جاقسىلاپ تۇرىپ زەرتتەپ، حالىققا ءتۇسىندىرۋ ناعىز كۇن تارتىبىندەگى ماسەلە دەپ ويلايمىن. قازاق قىزدارىنىڭ تاعدىرىن ءوز اعالارى ۋايىمداماسا، وزگەلەر كەلىپ، ءبىزدىڭ جوعىمىزدى تۇگەلدەپ بەرمەسى حاق!
اسىلبەك اۋەزحان ۇلى
mazhab.kz پورتالىنان ىقشامدالىپ الىندى