قازاقستاندا تۇڭعىش رەت تۋىستىق باۋىر الماستىرۋ وپەراتسياسى جاسالدى

استانا. قازاقپارات - بۇل تۋرالى استانا قالاسى اكىمدىگىنىڭ رەسمي سايتى مالىمدەدى.
None
None

استانا قالاسىنىڭ №1 -اۋرۋحاناسى دارىگەرلەرى قازاقستاندا تۇڭعىش رەت ءتىرى دونوردان تۋىستىق باۋىر الماستىرۋ وپەراتسياسىن جاسادى.

بۇگىن 90 جىلدىق تاريحى بار اتالعان اۋرۋحانادا وسىعان وراي باسپا ءسوز ءماسليحاتى ءوتتى. شاراعا دەنساۋلىق ساقتاۋ باسقارماسىنىڭ، مەديتسينا سالاسىنىڭ وكىلدەرى مەن رەتسيپيەنت جانە دونور قاتىستى.

ەرىك ءبايجۇنىسوۆ، استانا قالاسى دەنساۋلىق ساقتاۋ باسقارماسىنىڭ باسشىسى:

- ق ر كونستيتۋتسياسىنىڭ 20 جىلدىعى قارساڭىندا بارلىق تۇرعىنداردىڭ قۇقىعى تەڭ جانە وسىنداي قيىن وپەراتسياعا الەۋمەتتىك دەڭگەيىنە قاراماستان، كەز كەلگەن قازاقستاندىق قول جەتكىزە الاتىندىقتارىن كورسەتكىمىز كەلدى. ءبىز جاڭا تەحنولوگيالار ارقىلى حالىققا ساپالى مەديتسينالىق قىزمەت تۇرلەرىن ۇسىنۋدى ءارى قاراي دا جالعاستىرامىز.

رەتسيپيەنت 35 جاستاعى استانالىق كەلىنشەككە جىل باسىندا باۋىر تسيرروزى دياگنوزى قويىلعان بولاتىن. امبۋلاتورلىق ەمدەۋ ناتيجە بەرمەگەن سوڭ، وعان №1 قالالىق اۋرۋحانادا باۋىر الماستىرۋ جاسالعان بولاتىن. تۋىستىق باۋىر الماستىرۋ وتكىزۋگە 23 جاستاعى جيەنى دونور بولدى.

مارات ابدۋوۆ، №1 -قالالىق ەمحانانىڭ باس دارىگەرى:

- بۇگىنگى تاڭدا بۇل -  قازاقستاندا تۇڭعىش رەت وتكىزىلگەن تۋىستىق باۋىر الماستىرۋ. بۇل وپەراتسيانىڭ ەرەكشەلىگى -  شەت ەل ماماندارىن تارتپاي، ءوز كۇشىمىزدەن باۋىر الماستىرۋ. رەتسيپيەنتتىڭ جاعدايى بۇگىندە ءبىرقالىپتى. ال دونور اۋرۋحانادان شىعىپ تا ۇلگەردى. قازىرگى ۋاقىتتا استانا قالاسىنىڭ گەپاتوورتالىعىندا 300 ەمدەلۋشى تىركەلگەن، ولاردىڭ 35 ىشكى اعزا مۇشەلەرىن الماستىرۋعا كەزەكتە تۇر.

www.24.kz

سوڭعى جاڭالىقتار