وسكەمەندە تانىستارىنىڭ قىزتەكە ەكەنىن بىلگەن ەكى ازامات ونى ءولتىرىپ تاستادى

كۇدىكتىلەر ۇستالىپ، سوتتا جازالارىن الدى دەپ حابارلايدى NUR. KZ ءتىلشىسى.
تەرگەۋ بارىسىندا ءۇش ازاماتتىڭ وسكەمەننىڭ كوپقاباتتى ۇيلەرىنىڭ بىرىندەگى جەرتولەدە ىشىمدىك ىشكەندەرى انىقتالدى. ىشىمدىككە تويىپ العان ەر كىسىلەردىڭ ءبىرى جان- دۇنيەسىندەگى قۇپيالارمەن بولىسپەك بولىپ، ءوزىنىڭ جىگىتتەرگە اۋەس ەكەنىن ايتىپ قويادى.
بۇل شىندىق بىرگە ءىشىپ وتىرعان ازاماتتاردىڭ ىزاسىن كەلتىرىپ، ەكەۋى سول جەردە «كوگىلدىر» جىگىتتى تەپكىنىڭ استىنا العان.
سوققىدان العان دەنە جاراقاتتارىنان ەر كىسى سول جەردە كوز جۇمادى. قىلمىسكەرلەر جەرتولەنىڭ ەسىگىن قۇلىپتاپ، وقيعا ورنىنان ءىزىن سۋىتادى. قازا بولعاننىڭ ءمايىتى تەك ءتورت كۇن وتكەسىن تابىلدى.
سوت شەشىمىمەن ەكى ايىپتالۋشى دا كىنالى دەپ تانىلىپ، ءبىرى 16 جىلعا، ال ەكىنشىسى 15 جىلعا قاتاڭ رەجيمدەگى تۇزەتۋ كولونياسىندا باس بوستاندىعىنان ايىرۋ جازاسىنا كەسىلدى.