ورالدا اۋعان سوعىسى ارداگەرلەرى نوعايەۆقا «ساقالدىلار» ۇستىنەن شاعىمداندى

بۇل تۋرالى «ۋرالسكايا نەدەلياعا» سىلتەمە جاساپ NUR. KZ حابارلايدى.
ارداگەرلەردىڭ سوزىنە سەنسەك، 200 گە جۋىق تاكسي جۇرگىزۋشىلەرىنىڭ دەنى دىنگە بەرىلگەن ازاماتتار.
اشىنعان ارداگەرلەر وبلىس اكىمى نۇرلان نوعايەۆقا حات جازدى.
«ولاردىڭ جولاۋشىلار تاسىمالداۋعا رۇقسات ەتەتىن قۇجاتتارى دا جوق. نەگىزىنەن دىنگە بەرىلگەن ازاماتتار ەكەنىن «كۇتىمسىز جىبەرىلگەن ساقالدارى مەن سالدىر- سالاق ءتۇرى» بايقاتادى»، - دەپ جازدى اۋعان سوعىسى قاتىسۋشىلارى قوعامىنىڭ ءتوراعاسى ت. قوسجانوۆ پەن «ارداگەر - و ك س ۆ ا» ج ش س ديرەكتورى س. قاليەۆ.
ارادگەرلەر وبلىس اكىمىنە ۇيىمدار رۇقسات ەتىلگەن قۇجات نەگىزىندە جولاۋشىلار تاسىمالدايتىنىن، ال «ساقالدىلار» ولاردى تەمىر جول ۆوكزالى مەن اۆتوۆوكزال ايماعىنان ىعىستىرىپ جاتقانىن جازعان.
«بۇل «ساقالدىلار» ءبىزدى ولاردىڭ باۋىرلارىن ءولتىردى دەپ ايتۋدا. ءبىزدىڭ ەسكەرتكىشكە ءتيىسىپ، ازعىرۋدا. اۋعانستانداعى سوعىستى اۋعانستانمەن بولدى دەپ ءتۇسىنىپ العان. ءبىز تۋعان جەرىمىزدىڭ بۇيرىعىن ادال ورىندادىق. ءبىزدى، اۋعان سوعىسىنىڭ ارداگەرلەرىن ولار قورقىتا المايدى. ءبىز شاعىمدانىپ جاتقان جوقپىز، سىزدەردى حاباردار ەتىپ وتىرمىز»، - دەيدى قوسجانوۆ پەن قاليەۆ حاتىندا.
ارداگەرلەر، ءتىپتى «ساقالدىلاردى» ورنىنا قويۋ ءۇشىن باس قوسقان ەكەن. الايدا ۇ ق ك مەن ءى ءى د قىزمەتكەرلەرى ولاردى توقتاتقان.
«ءبىزدىڭ كەڭسەگە ۇ ق ك مەن ءى ءى د قىزمەتكەرلەرى كەلىپ، بۇل ساياسي ماسەلە ەكەنىن جانە جانجالداسۋدىڭ قاجەتى جوق ەكەنىن ەسكەرتتى. قانداي دا ءبىر قادامعا بارساق، ءوزىمىز كىنالى بولىپ شىعۋىمىز مۇمكىن ەكەنىن ايتىپ، بۇل ماسەلەنى شەشۋگە ۋادە بەردى. الايدا ماسەلە سول بەتى ۋشىعىپ تۇرعانىنا بەس اي بولدى»، - دەگەن حات اۆتورلارى نوعايەۆتان شارا قولدانۋىن سۇراپ وتىر.