قازاقستان مەن سەربيا حالىقارالىق اۆتوموبيل قاتىناسى تۋرالى كەلىسىمگە كەلدى

استانا. قازاقپارات - بۇگىن اقوردادا قازاقستان مەن سەربيا حالىقارالىق اۆتوموبيل قاتىناسى تۋرالى كەلىسىمگە كەلدى. اتالعان قۇجات ەلباسى نۇرسۇلتان نازاربايەۆ پەن سەربيا پرەزيدەنتى توميسلاۆ نيكوليچتىڭ قاتىسۋىمەن راسىمدەلدى.

 قازاقستان رەسپۋبليكاسى ۇكىمەتى مەن سەربيا ۇكىمەتى اراسىنداعى حالىقارالىق اۆتوموبيل قاتىناسى تۋرالى كەلىسىمگە ق ر ينۆەستيتسيالار جانە دامۋ ءمينيسترى اسەت يسەكەشيەۆ پەن سەربيا ەكونوميكا ءمينيسترى جەلكو سەرتيچ قول قويدى. ال ق ر ۇكىمەتى مەن سەربيا ۇكىمەتى اراسىنداعى تابىس پەن كاپيتالعا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسيانى ەلىمىزدىڭ سەربياداعى توتەنشە جانە وكىلەتتى ەلشىسى نۇرباح رۇستەموۆ پەن سەربيا ەكونوميكا ءمينيسترى جەلكو سەرتيچ راسىمدەدى.

 

   اۆتور: مارلان جيەمباي