18:47, 28 - تامىز 2015 | GMT +5
ايدىن ايىمبەتوۆ عارىشتا قازاقتىڭ ۇلتتىق تاعامدارىمەن تاماقتانادى
الماتى. قازاقپارات - ايدىن ايىمبەتوۆ عارىشقا ۇلتتىق تاعام ەلەمەنتتەرى بار ازىق- تۇلىك اپارادى. قازاقستاندىق عارىشكەر ءۇشىن 9 تاماقتان تۇراتىن «داستارقان» ءمازىرى ازىرلەنگەن.

بۇل تۋرالى قازاق تاعامتانۋ اكادەمياسىنىڭ ارنايى تاعامدار بيوتەحنولوگياسى زەرتحاناسىنىڭ جەتەكشىسى يۋري سينياۆسكي باياندادى.
مازىرگە قۇرعاق بيە سۇتىنەن جاسالعان، ءتۇرلى دامدەۋىشتەر، ءدان، قاراقات قوسىلعان ىرىمشىك، قۇرت، كونديتەرلىك ونىمدەر، ورىك- مەيىزدەن كەپتىرىلگەن شىعىس تاتتىلەرى، جىلقى ەتىنىڭ سورپاسى، ليمون قوسىلعان شاي ەنگەن.
«تاعامدار «داستارقان-6» كونتەينەرىنە سالىنىپ، بايقوڭىرعا جونەلتىلەدى. سول جەردەن ول حالىقارالىق عارىش ستانساسىنا جەتكىزىلەدى. ازىق- تۇلىك قازاق تاعامتانۋ اكادەمياسىندا جاسالدى. كەيىن بيريۋلەۆ ەكسپەريمەنتالدىق زاۋىتىندا ارنايى قۇتىعا سالىندى»، - دەدى يۋ. سينياۆسكي.
اۆتور: گۇلميرا عوسمانالي