قورعانىس ءمينيسترى تاسماعامبەتوۆتىڭ قىزىنىڭ قورجىنىندا قانشا قارجى بار؟

استانا. قازاقپارات - قازاقستاندا اتاقتى ادامداردىڭ وزىنە قاراعاندا وتباسى مۇشەلەرىنە كوپ نازار اۋدارىلادى.
None
None

قوعام ولاردىڭ وتباسى مۇشەلەرىنە، جۇمىسىنا قىزىعۋشىلىق تانىتادى، ءتىپتى كوپشىلىگى كىمدە قانشا اقشا بارىن بىلۋگە قۇمار.

سونداي قىزىعۋشىلىق تۋدىراتىن تۇلعانىڭ ءبىرى اسەل تاسماعامبەتوۆا. ول قورعانىس ءمينيسترى يمانعالي تاسماعامبەتوۆتىڭ قىزى، كاسىپكەر كەڭەس راقىشيەۆتىڭ جارى.

اسەل تاسماعامبەتوۆا وسى جىلى 36 جاسقا كەلدى. ول ەش جەرگە سۇحبات بەرمەيدى. ەكى ۇل بالا تاربيەلەپ وتىر. كاسىپكەر كۇيەۋى ەكەۋى 2002 -جىلى قۇرىلعان «ءسابي» جەكەمەنشىك قايىرىمدىلىق قورى» ارقىلى قايىرىمدىلىقپەن اينالىسادى. اتا- انانىڭ قاراۋىنسىز جەتىم قالعان بالالارعا، دەنساۋلىعى تىم ناشارلاعاندارعا، قوعامداعى ەڭ قورعانسىز جاندارعا «ءسابي» قورى قول ۇشىن سوزادى. الەۋمەتتىك قورعانسىز وتباسىدان شىققان تالانتتى بالالاردى قولداۋعا باعىتتالعان «الەم» جانە ەلىمىزدەگى بالالاردىڭ الەۋمەتتىك- تۇرمىستىق جاعدايىن جاقسارتۋعا ارنالعان «وركەندەۋ» جوبالارى ءسوزىمىزدىڭ انىق ايعاعى.

«بالالارعا ءومىر سىيلا» اتتى اتاقتى SMS- اكسيا دا اسەل تاسماعامبەتوۆانىڭ جوباسى. بۇل جوبا كولەمىندە رەسپۋبليكانىڭ تۇكپىر- تۇكپىرىندەگى 1097 بالاعا كومەك كورسەتىلگەن، 1569 بالاعا وتا جاساتۋعا اقشا بولىنگەن (كوپتەگەن بالالارعا قاتارىنان بىرنەشە وتا جاسالعان) ، 2015 -جىلدىڭ ءساۋىر ايىنداعى كورسەتكىش بويىنشا بارلىعى $9589769 قارجى جينالعان.

كوممەرتسيالاق اكتيۆتەرىنە كەلەر بولساق، اسەل تاسماعامبەتوۆا «ورتالىق ازيا ەكولوگيالىق زەرتتەۋ ينستيتۋتى» (و ا ە ز ۋ) جانە «Telli Kazakhstan»  كومپانيالارىن باسقارادى. 2012 -جىلدىڭ ماۋسىمىندا تىركەلگەن. ينستيتۋت بيوتەحنولوگيا، يحتيولوگيا، گەنەتيكا، سەلەكسيا، گەوگرافيا جانە باسقا دا سالالاردا عىلىمي زەرتتەۋ جۇرگىزۋمەن اينالىسادى. ونىڭ قۇرامىنا:

-  قورشاعان ورتاعا اناليتيكالىق زەرتتەۋ جۇرگىزەتىن 5 زەرتحانا؛

- جاڭا تەحنولوگيالاردى ىزدەۋگە، وڭدەۋگە، ەنگىزۋگە ارنالعان 6 دەپارتامەنت؛

- ۇيىمداعى تەحنولوگيالىق رەسۋرستاردى ستاندارتتاپ، باعامداپ، جوسپارلاپ، ۇيلەستىرەتىن 7 باسقارما كىرەدى.

Telli Kazakhstan (پەرسيد تىلىنەن اۋدارعان «التىن» دەگەن ءسوز) - سۇلۋلىق جانە دەنساۋلىق سالاسىنداعى «ليۋكس» كلاستىق بيو- بۋتيك جەلىسى (گومەوپاتتىق ءدارىحانا، كوسمەتيكا ءبولىمى، ورگانيكالىق كافە، كوسمەتولوگتىق كابينەت، پارفيۋمەريالىق زال).

 سونىمەن بىرگە «Veless» كومپانياسىندا ۇلەسى بار (نەگىزگى قىزمەتى -  تاۋاردىڭ اۋقىمدى اسسورتيمەنتىن كوتەرمە باعادا ساتۋ). ونىڭ سەرىكتەستەرى گۇلميرا التايەۆا جانە تۇرلىباي مىرحيەۆ. ءبىر قىزىعى، بۇل كومپانيا مۇناي وڭدەۋ ىسىمەن اينالىساتىن «نەفتگازماش» كاسىپورنىمەن دە سەرىكتەس ەكەن.

تاسماعامبەتوۆتەر وتباسىندا اسەلدەن وزگە تاعى ەكى بالا بار: قىزى سوفيا (1983 -جىلى تۋعان) جانە ۇلى نۇرسۇلتان (1994 -جىلى تۋعان).

سوفيا تاسماعامبەتوۆا - سۋرەتشى، پاۆەل دراگۋنوۆتىڭ شاكىرتى. ت. جۇرگەنوۆ اتىنداعى ونەر اكادەمياسىن جانە لوندون ونەر كوللەدجىن اياقتادى. اباي اتىنداعى وپەرا جانە بالەت تەاترىندا («كارمينا» كانتاتاسى، «ءبىرجان- سارا» وپەراسى)، «استانا وپەرا» بالەتىندە («باحچيسارايسكيي فونتان» درامالىق بالەتى) كوركەم قويىلىمدارىمەن جۇمىس ىستەدى. «Petroglyf studio» ارحيتەكتۋرالىق- ديزاينەرلىك كومپانيانى باسقارادى.

«LIONESS Inc» كومپانياسىنىڭ جارتى ۇلەسى نۇرسۇلتان تاسماعامبەتوۆكە تيەسىلى. كومپانيا 2013 -جىلى تىركەلگەن. بۇل بيزنەستى ەكس- دەپۋتات سەرىك ابدراحمانوۆتىڭ ۇلى مادي ابدراحمانوۆپەن (1991) بىرىگىپ جۇرگىزەدى.

ماتەريال radiotochka.kz سايتىنان الىندى

massaget.kz

سوڭعى جاڭالىقتار