سولتۇستىك قازاقستاندا ارشادان جاسالعان ەكى مەترلىك اتا زاڭ كىتابى تانىستىرىلدى - فوتو

پەتروپاۆل. قازاقپارات - سولتۇستىك قازاقستان وبلىسى ع. مۇسىرەپوۆ اۋدانىندا «تابيعات سىيى» اتتى كورمەدە اۋىلدىقتار ارشادان ق ر كونستيتۋتسياسىنىڭ ەكى مەترلىك كىتابىن جاسادى.

«كونستيتۋتسيا كىتابىنىڭ ەنى 2 مەتر، ۇزىندىعى 1,5 م. ول ارشا مەن دالا گۇلدەرىنەن ورنەكتەلىپ جاسالعان. كىتاپتىڭ ىشىندە وكرۋگتىڭ تىنىس- تىرشىلىگى مەن قانداي شارالار وتكىزەتىنىمىزدى بەينەلەۋگە تىرىستىق. مۇنى جاساۋعا 4 كۇن كەتىپ، بىرنەشە جۇزدەگەن وسىمدىكتەر پايدالانىلدى»، - دەدى «ىنتىماق» ەتنومادەني بىرلەستىگىنىڭ باسشىسى ليۋدميلا ەمەليانوۆا.

مەرەكەگە 17 اۋىل مەن 25 ەتنومادەني بىرلەستىك قاتىستى. «تابيعات سىيى» كورمەسىن وتكىزۋ داستۇرگە اينالىپ كەتتى. بيىل شارا ق ر كونستيتۋتسياسىنىڭ 20 جىلدىعىنا، قازاق حاندىعىنىڭ 550 جىلدىعىنا ارنالدى.