مەملەكەت باسشىسى: قازاق مادەنيەتى مەن تاريحى ەلىمىزدەگى بارشا ۇلىستاردىڭ رۋحاني ۇيىتقىسىنا اينالدى

بۇگىن استاناداعى تاۋەلسىزدىك سارايىندا ەلباسى نۇرسۇلتان نازاربايەۆتىڭ قاتىسۋىمەن قازاقستان رەسپۋبليكاسى اتا زاڭىنىڭ 20 جىلدىعىنا ارنالعان «كونستيتۋتسيا: بىرىلىك، تۇراقتىلىق، وركەندەۋ» تاقىرىبىندا حالىقارالىق عىلىمي- تاجىريبەلىك كونفەرەنسيا جۇمىسىن باستادى.
«ەڭ باستىسى، ءوشىپ بارا جاتقان قازاقتىڭ ءتىلىن، تاريحي مەن مادەنيەتىن وركەندەتىپ، ءورىسىن كەڭەيتتىك. بۇرىن- سوڭدى بولماعان ءتىلدىڭ ءورىسى كەڭىنەن جايىلىپ، مەكتەپتەرىمىزدىڭ كوپشىلىگىندە، جوعارى وقۋ ورىندارىندا ساباقتار قازاق تىلىندە وتەتىن بولدى. قازاق تىلىندە شىعاتىن باسىلىمدار مەن كىتاپتار ارتىپ، تاريحىمىزدى تەرەڭدەتۋ تۇرعىسىندا الەم ەلدەرىندە قۇندى دەرەكتەردى جيناپ، تاريحىمىزدى ورنىنا كەلتىرۋگە مۇمكىنشىلىك الدىق. ءوز ءتىلىمىزدى، ءدىلىمىزدى، ءدىنىمىزدى وركەندەتە وتىرىپ، ءبىز باسقالاردى كەمىتپەدىك!»، - دەپ توقتالدى مەملەكەت باسشىسى.
وسى ورايدا ەلباسى قازاقستانداعى بارشا حالىقتىڭ قۇقىقتارىنا ەرەكشە ءمان بەرىلگەنىن، بۇل تۇرعىدا ەلىمىزدىڭ تۇعىرلىعى مەن بىرلىگى نىعايعانىن اتاپ ءوتتى.
«قازاق مادەنيەتى مەن تاريحى ەلىمىزدەگى بارشا ۇلىستاردىڭ رۋحاني ۇيىتقىسىنا اينالدى. كۇللى ەل بولىپ اتاپ وتكەلى وتىرعان قازاق حاندىعىنىڭ 550 جىلدىعى وسىنىڭ ايقىن كورىنىسى. ءتىل، تاريح جانە مادەنيەت ءۇشتاعانىنىڭ بىرلىگى ءبىزدىڭ مىزعىماس رۋحاني تىرلىگىمىزدىڭ، ەل بىرلىگىنىڭ نەگىزى بولعانىنا بارلىعىمىز كۋا بولىپ وتىرمىز. ءبىزدىڭ تاريحىمىزدىڭ تامىرى تەرەڭ جاتىر. سونىڭ بارلىعىن ءبىز وزىمىزگە، ۇرپاعىمىزعا، بۇكىل الەمگە كورسەتۋىمىز كەرەك»، - دەدى پرەزيدەنت.
اۆتور: رۋسلان عابباسوۆ