پۋتين قىتايعا ساپارىندا بىرنەشە قۇجاتقا قول قويادى

پۋتين ساپارىندا ەكىنشى دۇنيەجۇزىلىك سوعىس كەزىندە قىتايدىڭ جاپونيانى جەڭگەنىنە 70 جىل تولۋىنا ارنالعان شارالارعا قاتىسادى.
قىتاي مەن رەسەي باسشىلارى كەزدەسۋىندە ەنەرگەتيكا مەن باسقا دا ماسەلەلەردى تالقىلاپ، ەكى جاقتى 20 دان استام قۇجاتقا قول قويۋ جوسپارلانعان. قۇجاتتاردىڭ كوپشىلىگى شي جينپيڭنىڭ پۋتينمەن بيىل مامىر ايىندا جانە شىلدەدە ۋفادا كەزدەسۋىندە جاسالعان كەلىسىمدەردى ىسكە اسىرۋعا قاتىستى.
رەسەيدىڭ قىتايداعى ەلشىسى اندرەي دەنيسوۆ ەكى ەل اراسىنداعى ىنتىماقتاستىق «الەمدەگى قاۋىپسىزدىكتى ساقتاپ تۇرۋشى زور فاكتورعا الدەقاشان اينالعانىن» ايتتى. ونىڭ سوزىنشە، رەسەي مەن قىتاي يران يادرولىق باعدارلاماسىنا، سيرياداعى داعدارىسقا، كورەي تۇبەگىندەگى يادرولىق پروبلەماعا، «يسلام مەملەكەتى» ەكسترەميستىك ۇيىمىمەن كۇرەسكە قاتىستى ماسەلەلەردە «ءبىر پوزيتسيانى» ۇستانعان.
پەكينگە ساپارىندا پۋتين جەڭىس سالتاناتىنا قاتىساتىن وزگە دە ەلدەر باسشىلارىمەن كەزدەسپەك.
«ازاتتىق» سايتى