06:10, 29 - تامىز 2015 | GMT +6
ءبىز «ۇلى دالا ەلىمىز» دەپ سانالۋىمىز كەرەك - ن. نازاربايەۆ
استانا. قازاقپارات - ءبىز «ۇلى دالا ەلىمىز» دەپ سانالۋىمىز كەرەك. بۇگىن ق ر كونستيتۋتسياسىنىڭ 20 جىلدىق مەرەيتويىنا ارنالعان عىلىمي- تاجىريبەلىك كونفەرەنتسيا بارىسىندا ەلباسى نۇرسۇلتان نازاربايەۆ وسىلاي ايتتى.
«مەنىڭ بىلۋىمشە، ءبىز «ۇلى دالا ەلىمىز» دەپ سانالۋىمىز كەرەك. كەيبىرەۋلەر «اسپان استى ەلىمىز» ، دەيدى، كەيبىرەۋلەر «كۇنشىعىس ەلىمىز» ، دەيدى. ءبىز ۇلى دالانىڭ ۇرپاعىمىز. وسى دالادا ءبىزدىڭ اتا- بابامىز دالانى ساقتاپ قالعان. قان توگىپ، تەر توگىپ ساقتاپ قالعان. قازاقستان مەن «ۇلى دالا ەلى» ەكەۋى قاتار جۇرسە، دۇرىس بولادى دەپ ويلايمىن» ، - دەدى مەملەكەت باسشىسى.
ءسوز سوڭىندا ق ر پرەزيدەنتى ەلىمىزدىڭ امانشىلىعى مەن جۇرتشىلىعىنىڭ تىنىشتىعى ارقاسىندا الار اسۋلارىمىز ءارقاشان بيىكتەن بولسىن دەگەن تىلەگىن ءبىلدىردى.
اۆتور: مارلان جيەمباي
