كوزىمدى اشقالى قازاقستاننىڭ توپىراعىنا تابانىم ءتيىپ، ءتىلىم قازاق تىلىندە شىقتى - يۋريي حەگاي
بۇل تۋرالى قازالى اۋداندىق اكىمدىگىنىڭ باسپا ءسوز قىزمەتى حابارلادى.
ولار ەڭ الدىمەن قازاقستانعا، ونىڭ ىشىندە قاسيەتتى قازالى توپىراعىنا اتا- بابالارىنىڭ قالاي تابان تىرەگەنىن ءسوز ەتتى. بۇل ەكى وتباسى دا ينتەرناتسيونالدى وتباسىلار. يۋريدىڭ كەلىنشەگى قازاق قىزى جانات شورابايەۆا بولسا، الەكسانردىڭ جۇبايى ورىس ۇلتىنىڭ وكىلى ۆەرا پونوموريەۆا. ءبارى دە قازاقي سالت- ءداستۇردى بويىنا ءسىڭىرىپ، قازاق تىلىندە ەركىن سويلەيدى.
كارىس بالاسى يۋري كورەرمەندەر تاراپىنان «ءسىز انا تىلىڭىزدە تىلەك ايتىپ بەرىڭىزشى؟» دەگەن ءوتىنىش- ساۋالعا «مەن ءوز ءتىلىمدى بىلمەيمىن. كوزىمدى اشقالى قازاقستاننىڭ توپىراعىنا تابانىم ءتيىپ، ءتىلىم قازاق تىلىندە شىقتى. ءبىزدىڭ سىزدەردەن ايىرماشىلىعىم تەك ۇلتىمىزدا بولار. ايتپەسە ءتىلىمىز مەن تىلەگىمىز ءبىر»، - دەپ جاۋاپ بەردى.
كورەرمەننىڭ قىزىعۋشىلىعىن وياتقان تارتىمدى شارادا ءتۇرلى ۇلتتىڭ ءانى ورىندالىپ، ءبيى بيلەندى.
اۆتور: ەلۋباي اۋەزوۆ
