ىستىقكول تۇبىندە ۇلى جىبەك جولىنىڭ اتلانتيداسى تابىلدى

بۇل تۋرالى اقپاراتتى تومسك مەملەكەتتىك ۋنيۆەرسيتەتىنىڭ اكۆالانگيستەرى Youtube-دەگى ءوز پاراقشاسىندا جاريالادى، دەپ حابارلادى كيرتاگ.
ارحەولوگيالىق جۇمىستار ىستىقكولدىڭ وڭتۇستىك بولىگىندە جۇرگىزىلدى. زاتتاردىڭ كوبى جاعالاۋدان شامامەن ەكى شاقىرىم جەردەن تابىلدى. ارتەفاكتتارعا 2,5 مىڭنان استام جىل.
«الدىن الا قالا ىستىقكول جاعالاۋىندا بولعان ۇلى جىبەك جولىندا قالاندى دەپ ايتۋعا بولادى. كەيىن ۋاقىت وتە كولدەگى سۋ دەڭگەيى كوتەرىلىپ، جەر استىنا كەتكەن»، - دەيدى تومسك درايۆەرلەر توبىنىڭ جەتەكشىسى دميتريي گورن.
اكادەميك ۆلاديمير پلوسكيحتىڭ پايىمىنشا، ارحەولوگيالىق قازبالاردىڭ ارقاسىندا «كونە زاماندا ىستىقكولدە تۇرعان حالىقتى كوشپەلى مادەنيەتتىڭ ەمەس، كونە وركەنيەتتىڭ وكىلدەرى» بولدى دەگەن توقتامعا كەلۋگە بولادى.
«قازبا جۇمىستارى كەزىندە ەگىن شارۋاشىلىعىنا قاجەتتى جابدىقتار، بالقىتپا پەشتەرى تابىلدى. وسىعان قاراعاندا، مۇندا مىس ءوندىرىپ، قولادان زاتتار جاساعان. وزگە دە كوپتەگەن ارتەفاكتتار ىستىقكولدە كونە وركەنيەت بولعانىن دالەلدەيدى»، - دەپ سانايدى ۆ. پلوسكيح.