10:24, 28 - تامىز 2015 | GMT +5
استانادا بىرىككەن اراب امىرلىكتەرىنىڭ قارجىسىنا سالىناتىن مەكتەپتىڭ قۇرىلىسى باستالدى
استانا. قازاقپارات - استانا قالاسىنىڭ اكىمى ادىلبەك جاقسىبەكوۆ ب ا ءا شەيحى حاليف بەن زايد ءال ناحايان اتىنداعى مەكتەپ قۇرىلىسىن باستاۋ راسىمىنە قاتىستى. 1200 ورىنعا لايىقتالعان ورتا مەكتەپ قازاقستان مەن بىرىككەن اراب امىرلىكتەرىنىڭ ورتاق جوباسى،

دەپ حابارلايدى astana.kz.
- بىرىككەن اراب امىرلىكتەرىنىڭ استانادا جاڭا ءبىلىم بەرۋ مەكەمەسىن سالۋ سياقتى الەۋمەتتىك جوبانى قارجىلاندىرۋى ەكى ەل اراسىندا قالىپتاسقان سەرىكتەستىكتىڭ جوعارى ەكەنىن كورسەتەدى. بۇل ەڭ الدىمەن ەكى ەل باسشىلارىنىڭ ءوزارا سەنىمگە قۇرىلعان قارىم- قاتىناسى نەگىزىندە مۇمكىن بولىپ وتىر، - دەدى قالا باسشىسى.
اكىمنىڭ ايتۋىنشا، اتالعان جوبا - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن ب ا ءا پرەزيدەنتى شەيح حاليف بەن زايد ءال ناحايان اراسىنداعى كەلىسىم ناتيجەسىندە جۇزەگە اسىرىلىپ وتىر.
مەكتەپ ب ا ءا تاراپىنان بولىنەتىن قارجىعا سالىنادى. ونىڭ جالپى ينۆەستيتسياسى 13 ميلليون ا ق ش دوللارىن قۇرايدى.
ايتا كەتەيىك، استانا ءبىلىم مەكەمەلەرىن سالۋ جانە تاپسىرۋ بويىنشا ەلىمىزدە الدىڭعى ورىندا كەلەدى.