استانادا اساۋ ۇيرەتۋدەن تۇڭعىش رەسپۋبليكالىق تۋرنير وتەدى

بۇل شارانى «نۇر وتان» پارتياسىنىڭ قولداۋىمەن ق ر ۇلتتىق سپورت تۇرلەرى قاۋىمداستىعى قازاقستان حالقى اسسامبلەياسىنىڭ جىلى اياسىندا ق ر كونستيتۋتسياسىنىڭ 20 -جىلدىعىنا وراي ۇيىمداستىرعالى وتىر.
ءدۇبىرلى دودالار ەلىمىزدىڭ سپورت تاريحىندا تۇڭعىش رەت وتكىزىلگەلى وتىر. باس دەمەۋشى - «سامۇرىق- قازىنا» ۇلتتىق ءال- اۋقات قورى، دەپ حابارلادى ق ر ۇلتتىق سپورت تۇرلەرى قاۋىمداستىعىنىڭ باسپا ءسوز قىزمەتى.
اۋقىمدى شاراعا قىتاي، موڭعوليا، وزبەكستان، تاجىكستان، رەسەي، قىرعىزستان، تۇركيا، ۆەنگريا، ءازىربايجان رەسپۋبليكالارىنىڭ سپورتشىلارى قاتىسادى.
تەڭگە ءىلۋ - حالقىمىزدىڭ كونەدەن كەلە جاتقان ۇلتتىق سپورت ءتۇرى. تەڭگە ءىلۋدىڭ ماڭىزىنا توقتالار بولساق، اتا- بابالارىمىز ەل قورعايتىن ساربازداردىڭ اسكەري- جاۋىنگەرلىك دايارلىعىن جەتىلدىرۋ ءۇشىن بەيبىت كۇندەرى، ياعني، ويىن- تويلاردا تەڭگە ءىلۋ سايىسىن وتكىزگەن. بۇل سپورتتىڭ اتى ايتىپ تۇرعانداي، ساربازداردى ىنتالاندىرۋ ماقساتىندا جەرگە قويىلعان باعالى التىن- كۇمىس تەڭگەنى، شاباندوز ات ۇستىندە جەلىپ كەلىپ، ءىلىپ العان. ويتكەنى، بەيبىت زاماندا اسكەري ماشىعىن جوعالتپاس ءۇشىن ساربازدار اراسىندا وسىنداي سايىس تۇرلەرى ۇيىمداستىرىلعان. ات ۇستىنەن ەڭكەيىپ تەڭگە ءىلۋدى مەڭگەرگەن جاۋىنگەر سوعىس كەزىندە، جەردە جاتقان جەبەلەردى نەمەسە قولىنان سۋسىپ تۇسكەن قارۋ- جاراعىن لەزدە ءىلىپ الىپ، شايقاستى جالعاستىراتىن بولعان.
سونداي- اق، جوعارىداعى تەڭگە ءىلۋ سايىسىمەن قاتار جۇگەن- قۇرىق تيمەگەن، شۋ اساۋدى ەر- توقىم سالماي، جۇگەن- قۇرىقسىز جايداق ءمىنىپ، باستىقتىرۋ جارىسى وتپەك. سايىسقا ەلىمىزدىڭ ءار ايماقتارىنان تاڭدالعان اساۋ ۇيرەتۋشى سپورتشىلار قاتىسادى.
اساۋ ۇيرەتۋ - جىگىتتى شىنىقتىرىپ، جىگەر بەرەتىن، قايسارلىققا تاربيەلەيتىن سپورتتىڭ كۇردەلى ءتۇرى. بۇل ونەردىڭ كونەدەن كەلە جاتقان ماڭىزىنا نازار اۋدارساق: اساۋ ۇيرەتۋ - ۋاقىت جانە جەر تاڭدامايتىن، ورتاق قاعيداسى جوق، كەڭ دالادا جۇرگىزىلگەن. اساۋ ۇيرەتۋشى - تاقىمى بەرىك، ات ءۇستى قيمىل- قوزعالىسىن تولىق مەڭگەرگەن، ءارى تۋلاعان اساۋ جىلقىنىڭ موڭكۋ بارىسىنداعى ەبەدەيسىز قوزعالىسىنا ءوزىن تەز بەيىمدەي الاتىن قىراعى، جۇرەكتى بولۋى كەرەك. ۇيرەتىلگەن اساۋدى حالقىمىز ءمىنىس كولىگى، سونداي- اق، ءارتۇرلى تۇرمىستىق قاجەتتىلىكتى وتەۋگە پايدالاناتىندىقتان، بۇل ءىستىڭ كوشپەندىلەر ءۇشىن الەۋمەتتىك- شارۋاشىلىق ماڭىزى دا زور. وسى ورايدا، تۇڭعىش رەت وتكىزگەلى وتىرعان اتالمىش سايىس ءتۇرى قازىرگى تاڭدا سپورتتىق سيپات الىپ، بەكىتىلگەن ەرەجە بويىنشا جۇرگىزىلۋدە.