ق. ءمامي مالايزيا جوعارعى سوتىنىڭ ءتوراعاسى اريفين بەن زاكاريامەن كەزدەستى

بۇل تۋرالى ق ر جوعارعى سوتىنىڭ باسپا ءسوز قىزمەتى حابارلادى.
«بىزدىڭ ەلدەرىمىز اراسىنداعى ديپلوماتيالىق قارىم- قاتىناستار بۇدان 23 جىل بۇرىن ورنادى. وسى ۋاقىت ارالىعىندا ءوزارا ءىس- قيمىلدىڭ كەڭ اۋقىمدى سالالارى بويىنشا ەكىجاقتى بايلانىستاردى سەرپىندى نىعايتۋ جونىندە بەرىك ساياسي ۋاعدالاستىققا قول جەتكىزىلدى»، - دەپ اتاپ ءوتتى جوعارعى سوت ءتوراعاسى كەزدەسۋ الدىندا.
اڭگىمەلەسۋ بارىسىندا ق. ءمامي اريفين بەن زاكارياعا مەملەكەت باسشىسىنىڭ باستاماسىمەن جۇزەگە اسىرىلىپ جاتقان بەس ينستيتۋتسيونالدىق رەفورما شەڭبەرىندە سوت جۇيەسىن رەفورمالاۋ بويىنشا اتقارىلىپ جاتقان جۇمىستار تۋرالى حاباردار ەتتى. بۇل - ءۇش ساتىلى سوت جۇيەسىنە كوشۋ، استانا قالاسىندا AIFC حالىقارالىق اربيتراجدىق ورتالىعىن قۇرۋ، تەرگەۋ سۋدياسىنىڭ وكىلەتتىگىن كەڭەيتۋ، سۋديالىققا ۇمىتكەرلەرگە تالاپتاردى ارتتىرۋ، جوعارعى سوت جانىنان ينۆەستيتسيالىق ىستەر بويىنشا مامانداندىرىلعان القا جانە حالىقارالىق كونسۋلتاتيۆتىك كەڭەس قۇرۋ.
كەزدەسۋدىڭ قورىتىندىسىندا تاراپتار ەكى ەلدىڭ سوتتارى اراسىنداعى سەرىكتەستىك قارىم- قاتىناستار ودان ءارى نىعايا بەرەتىنى تۋرالى پىكىرلەرىن ءبىلدىردى.