استانادا قىتايدان كەلگەن قانداسىمىز سەح اشىپ، كاسىبىن دوڭگەلەتىپ وتىر - فوتو

استانا. قازاقپارات - استانا ىرگەسىندەگى قوياندى اۋىلىندا شاعىن الايدا وتە ماڭىزدى ءوندىرىس ورىنى جۇمىس ىستەيدى.
None
None

كاسىبىن دوڭگەلەتىپ وتىرعان اسحات قاپاس ەسىمدى كاسىپكەر سەرىپپەلى ورتوپەديالىق ماتراستار مەن جاستىقتاردى «جانۇيا» ساۋدا بەلگىسىمەن وندىرەدى. 12 جىل بۇرىن وتاندىق ساۋدا نارىعىنا قوسىلعان قازاقستاندىق تاۋار ساپاسىمەن تانىمال. وتاندىق ءونىمدى قولمەن ۇستاپ، كوزبەن كورۋ ءۇشىن سەحقا بارىپ، ونداعى جۇمىس پروتسەسسىمەن جاقىنىراق تانىستىق.

سەرىپپەلى ماتراس وندىرەتىن سەحقا بارماس بۇرىن، «جانۇيا» ساۋدا بەلگىسىمەن وندىرىلگەن ونىمدەر ساتىلاتىن دۇكەنگە باس سۇقتىق. ساتىلىمعا قويىلعان ونىمدەر كوز تارتادى. شىنىمەن دە استانادا جاسالعان ماتراستاردىڭ ساپاسى رەسەي نەمەسە تۇركيا ەلدەرىنەن كەلەتىن ماتراستاردان اسىپ تۇسپەسە كەم ەمەس. جانە ءبىر ايتا كەتەرلىگى، دۇكەن سورەلەرىندە تابيعي تازا كيىزدەن جاسالعان، ءتۇرلى- ءتۇستى ويۋلارى كوزدىڭ جاۋىن الاتىن سىرماقتار دا بار ەكەن. (بۇل تۋرالى ءسال كەيىنىرەك توقتالامىز).

араб  

 اسحات قاپاس، سەح ديرەكتورى

مەن 2001 -جىلى قىتايدان تاريحي وتانىما كوشىپ كەلدىم. قىتايدا مەكتەپتە مۇعالىم بولعانمىن. قازاقستانعا كەلگەننەن كەيىن ۇستازدىق قىزمەتىمدى جالعاستىرۋعا مۇمكىندىك بولمادى. ءتىل ماسەلەسى قيىن بولدى. سول سەبەپتى كۇنكورىس ءۇشىن وزگە كاسىپپەن اينالىسۋعا تۋرا كەلدى. كاسىپتىڭ ءتۇرلى سالاسىن سۇرىپتاي كەلە، سەرىپپەلى ورتوپەديالىق ماتراس ءوندىرۋدى قولعا الدىم. نەگە، دەسەڭىز مۇنداي ءوندىرىس ەلىمىزدىڭ سولتۇستىك وڭىرىندە جوق ەكەن. بۇعان قوسا، استانا - ەلىمىزدىڭ ورتالىعى، مۇندا جىل وتكەن سايىن حالىقتىڭ سانى ءوسىپ كەلەدى. قوناق ۇيلەر مەن جاتاقحانالار، بالاباقشالار كوپتەپ اشىلۋدا.

араб  

وسىنداي مەكەمەلەردى وزىمىزدە وندىرىلەتىن سەرىپپەلى ماتراستارمەن قامتاماسىز ەتۋدى كوزدەدىم. شەت ەلدەن كەلەتىن تاۋار باعاسى وتاندىق ونىمدەرگە قاراعاندا الدەقايدا قىمبات ەكەنىن ءسىز جاقسى بىلەسىز. ال، ساپا جاعىنان الساق ءبىز جاساپ جاتقان ونىمدەردىڭ ساپاسى سىرتتان كەلەتىن ماتراستاردان ەش كەم ەمەس. ال، باعاسى قولجەتىمدى. وسىلايشا شاعىن سەح اشىپ، 2002 -جىلى قاڭتار ايىنان باستاپ ونىمدەرىمىز ومىرگە كەلدى. كەيىن «جانۇيا» ساۋدا بەلگىسىن الدىق. ساۋدا بەلگىسىن ەنشىلەۋ ءۇشىن ەڭ ءبىرىنشى ءونىمنىڭ ساپاسى تالاپتارعا ساي بولۋ كەرەك. ساپا ستاندارتتارىنا تولىققاندى جاۋاپ بەرەتىندىكتەن، قازاقستاننىڭ ساۋدا نارىعىندا «جانۇيا» ساۋدا بەلگىسىمەن تانىلا باستادىق.

араб  

араб  

اسحات اعا باستاپقىدا سەحتى جالعا الىپ جۇمىس جاساعاندىقتارىن تىلگە تيەك ەتتى. «استانادا مەكەمەنى جالعا الۋ وتە قىمبات. سوندىقتان، تاپقان تابىسمىزدىڭ جارتىسىن جالعا بەرمەس ءۇشىن، قالا ىرگەسىندەگى قوياندىدان جەر ساتىپ الىپ، سەح سالدىق. سەحتىڭ اۋماعى 300 شارشى مەتر. ىشىندەگى ستانوكتار مەن قوندىرعىلار قىتاي مەن رەسەيدەن اكەلىنگەن. شيكىزاتتى جارتىلاي قازاقستاننىڭ وزگە قالالارى مەن قىتايدان اكەلەمىز» - دەيدى ول.

араб  

  

араб  

- اعا، تۇراقتى تۇتىنۋشىلارىڭىز كىم؟

- ءبىزدىڭ تۇتىنۋشىلارىمىزدىڭ باسىم كوپشىلىگى جيھاز وندىرەتىن كاسىپكەرلەر. شاھارداعى الەۋمەتتىك مەكەمەلەر ماسەلەن، جاتاقحانالار، قارتتار ءۇيى، بالالار ءۇيى، قوناق ۇيلەر تاپسىرىس جاساپ جاتادى. بىلتىر استانادا مىڭ ورىنعا لايىقتالعان جاتاقحانا اشىلدى، تاپسىرىسقا ساي تولىقتاي ءبىز ولاردى ماتراسپەن قامتاماسىز ەتتىك. ايىنا ءبىر مىڭ ماتراس وندىرۋگە قاۋقارىمىز بار.

- جىلىنا قانشا تاپسىرىس الاسىزدار؟

- ورتا ەسەپپەن العاندا سوڭعى ەكى جىلدا تاپسىرىس سانى ازايىپ كەتتى. ەندى كەدەندىك وداققا مۇشە ەلدەردىڭ ەركىن ساۋدا اينالىمى ەنگىزىلۋىنە بايلانىستى ەلىمىزدىڭ ساۋدا نارىعىنا سىرت مەملەكەتتەر وندىرەتىن سەرىپپەلى ماتراستار كوپتەپ كەلۋدە. بۇل جاعداي ارينە وتاندىق تاۋارلارعا اسەرىن تيگىزبەي قويعان جوق. بۇگىنگى تاڭدا باسەكەلەستىك ارتىپ وتىر. سوندا دا ءبىز باسەكەلەستىككە توتەپ بەرىپ، ساپالى ءونىم ءوندىرۋ ارقىلى تۇتىنۋشىلارىمىزدى جوعالتپاۋعا تىرىسامىز.

араб  

ءبىزدىڭ تۇرعىلىقتى حالىقتىڭ مەنتاليتەتى قىزىق قوي، قانداي تاۋار بولسا دا «رەسەي وندىرگەن» دەسە جابىسا كەتەدى. وتاندىق ونىممەن سالىستىرىپ قاراعاندا رەسەيلىك ءونىم ناشار بولىپ تۇرسا دا «رەسەيلىك تاۋار جاقسى» دەپ سونى تاڭدايتىن تۇتىنۋشىلار بولادى ەكەن. وتاندىق ونىمدەردى ءوزىمىز قولداماساق، ءوزىمىز تاڭداماساق وسىنداي شاعىن كاسىپورىنداردى كىم العا سۇيرەيدى؟

باستاپقى جىلدارى جىلىنا 5000-6000 سەرىپپەلى ماتراسقا دەيىن وندىرەتىنبىز، سوڭعى ەكى جىلدا تاپسىرىس كولەمى 2000  عا دەيىن ءتۇسىپ كەتتى. نەگىزگى باسەكەلەس ەلدەر رەسەي مەن بەلورۋسيا بولعاندىقتان تاۋاردىڭ وتىمدىلىگىنە قالاي دا اسەرىن تيگىزەرى انىق. تەڭگەنىڭ قۇنسىزدانۋى دا ىقپال ەتىپ وتىر.

- اسحات مىرزا، شيكىزاتتى جاڭا ءسىز قىتايدان اكەلەمىز دەپ ايتىپ قالدىڭىز. ماتراس وندىرۋگە قاجەتتى شيكىزات سوندا قازاقستاندا جوق پا؟

-  قازاقستاندا تەمىر كوپ قوي، الايدا ءدال سەرىپپەلى ماتراسقا ارنالىپ وڭدەلگەن تەمىر بىزدە جوق. پارالوندى وسكەمەن مەن پاۆلودار قالاسىنان الامىز. ماتراستى تىستاعان ماتا، سەرىپپە، پارالونمەن قوسا توسەيتىن كوكوس كويراسى، لاتەكس سەكىلدى ونىمدەردى قىتايدان اكەلەمىز. كوكوس -  قىتايدىڭ ىستىق جەرى وڭتۇستىك وڭىرىندە تەڭىز جاعاسىندا وسەتىن اعاشتىڭ جاپىراعى. كوكوستىڭ دەنساۋلىققا پايداسى زور، قىستا جىلى، جازدا سالقىن. لاتەكس -  پارالوننان جاقسى، ءبىراق ول دا بىزدە وندىرىلمەيدى. ادامنىڭ دەنەسىنە جاعىمدى، ءارى پايدالى بولعاندىقتان تۇتىنۋشىلار تاراپىنان لاتەكس پەن كوكوسقا سۇرانىس جوعارى. ماتراستى تىستايتىن ماتانىڭ ىشكى جانە سىرتقى قاباتىن ماقتادان جاساتامىز.

 араб 

نۇرگۇل حاميوللا:

سەرىپپەلى ماتراستارعا ۇنەمى تاپسىرىس بولا بەرمەيدى. جۇمىسشىلاردىڭ كەيدە بوس وتىرىپ قالاتىن كەزدەرى بولادى. ۋاقىتتى ۇتىمدى پايدالانۋ ماقساتىندا كيىزدەن ويۋ ويىپ، سىرماق جاساۋدى قولعا الدىق. كيىزدى دايىن وڭدەلگەن ءارى بويالعان كۇيىندە قىتايدان اكەلەمىز. قىتايدا تۇراتىن قانداس باۋىرلارىمىز تەرى جانە ءجۇن ءوندىرىسىن دۇرىس جولعا قويعان. ولار تازا تابيعي ءجۇندى وڭدەپ، بوياپ كيىز جاساپ ساتادى. بۇگىنگى زاماندا تەحنولوگيالار دامىدى، بۇرىن اتا- بابالارىمىز ءجۇندى ساباپ، كيىز باسىپ، سوسىن ءتۇرلى تۇسكە بويايتىن بولسا، قازىر ارنايى تەحنولوگيامەن ءجۇن وڭدەۋگە بولادى. قىتايداعى قازاقتار وسى كاسىپتى دوڭگەلەتىپ وتىرعاندارىنا 7-8 جىل بولدى. تازا تابيعي قوي جۇنىنەن جاسالعان ءتۇرلى ءتۇستى كيىزدەن ويۋ ويىپ، ادەمى سىرماق جاساپ كورەيىك دەپ شەشتىك. مۇنداعى مەنىڭ ماقساتىم -  ۇلتتىق قۇندىلىقتارىمىزدى دارىپتەۋ، سول ارقىلى جويىلىپ بارا جاتقان قولونەردى ناسيحاتتاۋ. ءارى جىلى، ءارى پايدالى، ءارى قازاقي ناقىشتاعى ونىمدەردى ەدەنىمىزگە توسەپ قويساق قانداي جاقسى. ءوسىپ- وركەندەپ كەلە جاتقان تاۋەلسىز ەلىمىزگە اركىم وزىنشە ۇلەس قوسقىسى كەلەدى. مەن قولىمنان كەلگەنشە ۇلتتىق كولوريتتەرگە باي، تازا ءارى تابيعي ونىمدەردى حالىق يگىلىگىنە ۇسىنۋ ارقىلى ءوز ۇلەسىمدى قوسقىم كەلدى.

كاسىپورىندا «الماز»، «ءمارمار»، «مامىق»، «بريلليانت»، «بالاۋسا»، «مەرۋەرت» سەكىلدى اتاۋلارمەن سان ءتۇرلى سەرىپپەلى ماتراستار وندىرىلەدى. ءار ماتراستىڭ اتاۋىنا ساي قۇرامىنىڭ ەرەكشەلىگى بار. وندىرۋشىلەر ءۇش جىلعا كەپىلدىك بەرەدى.



араб

شاعىن سەح 10 عا جۋىق ادامعا جۇمىس بەرىپ وتىر.

ساۋدا نارىعىندا «جانۇيا» ساۋدا بەلگىسىمەن اتى تانىلعان كاسىپورىن بۇگىنگى تاڭدا تازا كيىزدەن وندىرىلگەن سىرماقتاردان باسقا ۇلتتىق ناقىشتاعى كيىمدەر تىگە باستادى. ۇلتتىق كوستيۋمنىڭ ءتۇر- ءتۇرى ون ساۋساعىنان ونەر تامعان گۇلنۇر توقان ەسىمدى تىگىنشى اپايىمىزدىڭ قولىنان شىعادى.

 بۇل - كيىز ءۇيدىڭ ىشىنە ۇلگى رەتىندە توسەلگەن ويۋلى سىرماق. وسى سەحتا جاسالعان.

P. S.

سەرىپپەلى ماتراس وندىرەتىن سەح جۇمىسىمەن تانىسقاننان كەيىن تالپىنعان ادامعا مۇمكىن ەمەس نارسە جوق ەكەن دەگەن ويعا كەلدىك. شىنىمەن دە، ءوز جەرىمىزدە، كورىكتى استانامىزدا ورتوپەديالىق ماتراس وندىرەتىن كاسىپ اشىپ، وتاندىق كاسىپكەرلىكتى دامىتۋعا وزىندىك ۇلەس قوسىپ وتىرعان اسحات اعامىزعا تەك ساتتىلىك تىلەدىك. باسەكەلەستىك دۇركىرەپ تۇرعان بۇگىنگى زاماندا الپاۋىت كورشىلەس ەلدەردەن كەلىپ جاتقان تاۋارلاردىڭ لەگى وسىنداي شاعىن كاسىپورىنداردىڭ جۇمىسىن تۇرالاتىپ، ىلگەرى ەمەس كەرى كەتۋىنە اسەرىن تيگىزبەسىنە كىم كەپىل؟ «جانۇيا» ساۋدا بەلگىسىمەن شىعاتىن وتاندىق ونىمدەر باسەكەلەستىك ايقاسىندا جۇتىلىپ كەتپەي، قارقىنىن ۇدەتە تۇسسە ەكەن. رەسمي دەرەكتەرگە سۇيەنسەك، 2017 -جىلى استانادا وتەتىن حالىقارالىق «ەكسپو-2017» كورمەسىنە بايلانىستى شاھاردا 38 قوناق ءۇي بوي كوتەرەدى. سالىناتىن قوناق ۇيلەر قازاقستاندىق كاسىپكەرلىك پەن وتاندىق ونىمدەردى قولداپ، اسحات قاپاس سەكىلدى كاسىپكەرلەرگە تاپسىرىس بەرسە تاماشا.

باقىتگۇل اباي قىزى

سۋرەتتەردى تۇسىرگەن نۇربەك المانبەتوۆ

el.kz

سوڭعى جاڭالىقتار