رەسەي مەن ناتو- نى شيەلەنىستى باسەڭسىتۋگە شاقىردى

رەسەيدىڭ بۇرىنعى قورعانىس ءمينيسترى يگور يۆانوۆ، گەرمانيانىڭ بۇرىنعى قورعانىس ءمينيسترى ۆولكەر ريۋە مەن ۇلى بريتانيا، فرانسيا، يسپانيا جانە تۇركيانىڭ بۇرىنعى قورعانىس مينيسترلەرى تەڭىز بەن اۋەدە قارىم- قاتىناس ورناتۋ ءتارتىبى ءبىرىنشى كەزەكتەگى ماڭىزدى نارسە ەكەنىن مالىمدەدى.
رەسەي مەن ناتو ۋكرايناداعى داعدارىسقا بايلانىستى سوڭعى ايلاردا قۇرلىقتا دا، اۋەدە دە ادەتتەگىدەن ءجيى اسكەري جاتتىعۋ وتكىزىپ جاتىر.
«جاعدايدىڭ ۋشىققانى سونشا، ءسال عانا ءبىر قاتە ەسەپ نەمەسە توتەنشە ءبىر وقيعا داعدارىستى شيەلەنىستىرىپ، ءتىپتى تىكەلەي اسكەري جانجالعا ۇرىندىرۋى ابدەن مۇمكىن» دەلىنگەن ەكس- مينيسترلەردىڭ تامىزدىڭ 25- كۇنى European Leadership Network ساراپتاما ورتالىعى باسىلىمىندا جاريالانعان مالىمدەمەسىندە.
لوندوندا ورنالاسقان ساراپتامالىق ورتالىق رەسەي مەن ناتو مەن جانە رەسەي مەن بەيتاراپ شۆەتسيا جانە فينليانديا اسكەري كۇشتەرى اراسىندا 66 «اسكەري جانجالعا ۇرىندىرا جازداعان توتەنشە وقيعا» بولدى دەيدى.
بالتىق تەڭىزىندە بارلاۋ مالىمەتتەرىن جيناپ جۇرگەن رەسەيدىڭ «يل-20م» اسكەري ۇشاعىن (جوعارىدا) شىعارىپ جىبەرۋ ءۇشىن قاتارلاسا ۇشىپ بارا جاتقان ۇلى بريتانيانىڭ «تايفۋن» جويعىش ۇشاعى. ماۋسىم، 2015 -جىل. (كورنەكى سۋرەت)
«ازاتتىق» سايتى