21:01, 12 - اقپان 2021 | GMT +5
گيتلەر وتە ۇيالشاق بولعان
نۇر-سۇلتان. قازاقپارات- «مەملەكەتتىك توڭكەرىس جاساماقشى بولدى» دەگەن ايىپپەن سوتتالىپ، 1925 - جىلى 35 جاسىندا بوستاندىققا شىققان ادولف گيتلەردىڭ ايقىن دارىندىلىعى - شەشەندىگى. ءبىراق ونىڭ حالىق الدىندا اسەرلى ءسوز سويلەۋ ونەرى تۋا بىتكەن قاسيەتى ەمەس ەكەن.
گيتلەر وتە ۇيالشاقتىعىنان ارىلۋ ءۇشىن سىرت كەلبەتى مەن سويلەگەن ءسوزىنىڭ اسەرلى بولۋى ءۇشىن كوپ ەڭبەكتەنگەندىگى انىقتالدى.
وسى ماقساتپەن ادولف وزىنە گەنريح گوفمان ەسىمدى جەكە فوتوگراف جالداعان. ول فيۋرەردىڭ حالىق الدىندا ءسوز سويلەۋگە دايىندىقتارىن فوتوعا ءتۇسىرىپ وتىرعان. ۇلت كوشباسشىسى بەت الپەتىن وزگەرتىپ، ءارتۇرلى قيمىلدارمەن تاجىريبە جاساپ، سوڭىندا ءوزىنىڭ كەيپى ءساتتى مە، الدە كۇلكىلى مە دەپ فوتوسۋرەتتەردى سىن كوزبەن ءبىر قاراپ شىعادى ەكەن.
ا. گيتلەر سۋرەتتەردى جويىپ تاستاۋعا بۇيرىق بەرگەنىمەن، گ. گوفمان ءوزىنىڭ ستۋدياسىندا ساقتاپ قويىپتى. كەيىن ول «گيتلەر مەنىڭ دوسىم بولعان» اتتى ءوزىنىڭ عۇمىرناماسىندا سيرەك كەزدەسەتىن فوتو سۋرەتتەردى جاريالادى. سول سۋرەتتەرگە كوز جۇگىرتسەك.
«جاس الاش» گازەتى
