ءا. جاقسىبەكوۆ «استانا» فۋتبول كلۋبىن قۇتتىقتادى - فوتو

 استانا. قازاقپارات - قازاقستاندىق فۋتبول تاريحىندا العاش رەت «استانا» ف ك چەمپيوندار ليگاسىنىڭ توپتىق كەزەڭىندە وينادى. بۇگىن تاڭەرتەڭ فۋتبولشىلار ەلورداعا ورالدى. ورتالىق الاڭدا فۋتبولشىلاردى ۇلىقتاۋ سالتاناتىنا استانالىقتار مەن جانكۇيەرلەر جينالدى.
None
None

استانا قالاسىنىڭ اكىمى ادىلبەك جاقسىبەكوۆ فۋتبولشىلاردى جەڭىستەرىمەن قۇتتىقتادى.

- سىزدەر لايىقتى ويىن ۇلگىسىن كورسەتتىڭىزدەر. كەشە تۇندە بارلىق ەلوردا تۇرعىندارى سىزدەردى قولداۋ ءۇشىن الاڭعا جينالدى. سىزدەر - استانانىڭ عانا ەمەس، كۇللى قازاقستاننىڭ ماقتانىشىسىزدار! مەملەكەت باسشىسى وتاندىق فۋتبولدىڭ دامۋىنا كوپ كوڭىل بولەدى. پرەزيدەنتتىڭ قولداۋى ارقاسىندا ەل فۋتبولشىلارى وسىنداي جەڭىستەرىمەن ءبىزدى قۋانتۋدا، - دەدى قالا باسشىسى.

ەسكە سالا كەتەيىك، «استانا» فۋتبول كلۋبى اپوەل قۇراماسىنا قارسى نيكوسيادا وتكەن قارىمتا ماتچتا تەڭ ويىن كورسەتتى. قورىتىندى ەسەپ 1:1، الايدا ەكى ماتچ قورىتىندىسى بويىنشا «استانا» قۇراماسى چەمپيوندار ليگاسىنىڭ توپتىق كەزەڭىنە شىقتى. 3000 نان استام فۋتبول جانكۇيەرلەرى تۇندە «قازمەديا ورتالىعى» الدىندا جينالىپ، ۇلكەن ەكرانداردان اتالمىش ويىندى تاماشالادى.

بۇگىن كەشكە شۆەيتساريانىڭ نونە قالاسىندا ورنالاسقان ۋەفا- نىڭ شتاب- پاتەرىندە چەمپيوندار ليگاسىنىڭ توپتىق كەزەڭىندەگى ىرىكتەۋ ءراسىمى وتكىزىلەدى. سونىڭ ناتيجەسىندە وتاندىق قۇرامانىڭ كەلەسى قارسىلاستارى انىقتالادى. كورسەتىلىم استانا ۋاقىتى بويىنشا ساعات 21:45 وتەدى، دەپ حابارلايدى ەلوردا اكىمدىگىنىڭ باسپا ءسوز قىزمەتىنەن.

2

3

سوڭعى جاڭالىقتار