قازاقستاننىڭ باراك وباماعا سىيعا بەرگەن تۇمارى جانجالعا سەبەپ بولدى

جانجالعا 2012 - جىلى باراك وبامانىڭ قازاقستاننان سىيعا العان تۇمارى سەبەپ بولدى. بۇگىن سوتتىڭ العاشقى وتىرىسى ءوتتى، - دەپ حابارلايدى Tengrinews.kz ءتىلشىسى.
سۋرەتشىلەر ۇجىمىنىڭ اتىنان تۇمار اۆتورلارىنىڭ ءبىرى ناتاليا بريكس شاعىمدانىپ وتىر. تالاپكەر تاراپتىڭ شاعىمىن قاناعاتتاندىرۋشى زاڭگەردىڭ ايتۋىنشا، ايەل ورالداعى دۇكەندەردىڭ بىرىنەن بىرنەشە جىل بۇرىن ۇجىمداستارىمەن جاساعان تۇماردىڭ كوشىرمەسىن كورىپ قالادى. اۆتورلىق قۇقىقتى بەكىتۋ ءۇشىن 2010 -جىلى Woman Art يۋيستيتسيا مينيسترلىگىنە ءوتىنىش جازىپ، ونى جەكەمەنشىك دەپ تانۋ ءۇشىن مەملەكەتتىك تىركەۋدەن وتكىزەدى. ال ءۇش جىل وتكەن سوڭ تۇمار «ادەمى- ايدىڭ» دۇكەندەرىندە عانا ەمەس، ينتەرنەت- دۇكەندەرىندە دە 29 مىڭ تەڭگەگە ساتىلا باستاعان.
«كونترافاكتىلىك تۇماردا ازداعان وزگەرىس بار، دەگەنمەن نەگىزگىسى سول، - دەدى ناتاليا بريكس. - بۇل تۇماردى زاڭسىز كوشىرگەندەردىڭ تاعى ءبىر زاڭدى بۇزعانىن دالەلدەيدى. ولار سۋرەتتى اۆتوردىڭ رۇقساتىنسىز وزگەرتتى. ءبىزدىڭ بۇل تۇمارعا اۆتورلىق قۇقىعىمىزدى زاڭ قورعايدى. ءبىز سوڭىنا دەيىن كۇرەسەمىز»، - دەدى ول.
ءتۇپنۇسقاسى استىندا.
تۇماردى ساتقان دۇكەننىڭ ساتۋشىسى كادەسىيدى الماتىداعى «ادەمى- اي» ج ش س دۇكەنىنەن العانىن ايتتى. كارتينادا كلمپانيانىڭ لوگوتيپى دە بار. سۋرەتشىلەر سوندىقتان دا كومپانياعا شاعىمدارىن ايتقان. اۆتورلار سوتتا 10 ميلليون تەڭگە ماتەريالدىق جانە 200 مىڭ تەڭگە ءمورالدىق شىعىن تالاپ ەتتى.
ال تۇماردى ساتقان كاسىپكەرگە: 400 مىڭ كولەمىندە.
«مەن كومپانيا وكىلىمەن سويلەستىم. دەگەنمەن ولار بۇل ماسەلەنى شىنايى قابىلداپ وتىرعان جوق. ولار بۇل سالادا بۇرىننان جۇمىس ىستەپ كەلە جاتىر. سوندىقتان دا اۆتورلىق قۇقىقتىڭ ساقتالۋى - شىعارماشىلىق سالاسىنداعى باستى قاعيدا ەكەنىن ولار ءبىلۋى ءتيىس»، - دەدى Woman Art ديزاين كومپانياسىنىڭ زاڭگەرى شاكىر سۋحانبەردين.
26 - تامىزدا وتكەن العاشقى سوت وتىرىسىندا تالاپكەر تاراپ سوت ۇكىمىنە دەيىن وسى تاۋاردى ساتۋعا، شىعارۋعا توسقاۋىل قويۋ تۋرالى ءوتىنىش ءبىلدىردى. سۋديا ءوتىنىشتى قاناعاتتاندىردى. كەلەسى سوت وتىرىسى 10 - قىركۇيەكتە بولادى.
Tengrinews.kz