ب. ساپاربايەۆ باتىس قازاقستاندا ازىق-تۇلىك باعاسىن قاداعالاۋعا تاپسىرمالار بەردى
ورالدا ۆيتسە- پرەمەر جەرگىلىكتى اتقارۋشى ورگاندار باسشىلارىنىڭ، قوعام جانە كاسىپكەرلىك قوعامداستىق وكىلدەرىنىڭ قاتىسۋىمەن كەڭەس وتكىزدى.
وتىرىس بارىسىندا ءوڭىردىڭ الەۋمەتتىك- ەكونوميكالىق دامۋى، ونىڭ ىشىندە ازىق- تۇلىك تاۋارلارىنا باعا بەلگىلەۋ، جۇمىس ورىندارىن ساقتاۋ جانە جالاقىنى ۋاقتىلى تولەۋگە قاتىستى ماسەلەلەر قارالدى. ۆيتسە- پرەمەر مەملەكەت باسشىسىنىڭ تاپسىرماسى بويىنشا ۇكىمەت بارلىق الەۋمەتتىك مىندەتتەمەلەردى قامتاماسىز ەتۋ جونىندە كەشەندى شارالار قابىلداعاندىعىن اتاپ ءوتتى.
ب. ساپاربايەۆ مەملەكەتتىك ورگاندارعا ازىق- تۇلىك، ءبىرىنشى كەزەكتەگى قاجەتتى تاۋارلار باعالارىن ودان ءارى مونيتورينگىلەۋ جانە ولاردى ۇستاپ تۇرۋ بويىنشا شارالار كەشەنىن قابىلداۋ جونىندە ءبىرقاتار تاپسىرمالار بەردى.
بوكەي ورداسى اۋدانى حان ورداسى اۋىلىندا ۆيتسە- پرەمەر قازاق حاندىعىنىڭ 550 جىلدىعىن مەرەكەلەۋگە ارنالعان سالتاناتتارعا قاتىستى. ول «تاريح قويناۋىنان قازىرگى زامانعا دەيىن» اتتى حالىقارالىق عىلىمي- تاجىريبەلىك كونفەرەنتسيادا قۇتتىقتاۋ ءسوز سويلەدى.
«قازاق حاندىعىنىڭ 550 جىلدىعىن اتاپ ءوتۋ - بۇل بىرلىكتىڭ، ىنتىماقتاستىقتىڭ جانە تاريحي ساباقتاستىقتىڭ ۇلگىسى، بۇل ءبىر شاڭىراقتىڭ استىندا تاتۋ- ءتاتتى ءومىر ءسۇرىپ جاتقان بارلىق قازاقستاندىقتارعا ارنالعان ءبىرىڭعاي مەرەكە»، - دەدى ب. ساپاربايەۆ كونفەرەنتسيا قاتىسۋشىلارىنىڭ الدىندا سويلەگەن سوزىندە.
ول مەملەكەت باسشىسى جاريالاعان «100 ناقتى قادام» ۇلت جوسپارى «ءار قازاقستاندىقتى ۇلى ىستەرگە ىنتالاندىرىپ، شابىت بەرەتىنىن» ايتىپ ءوتتى.
«بەس ينستيتۋتسيونالدىق رەفورمانى جۇزەگە اسىرۋ ەلىمىزدىڭ تاياۋ 10-15 جىلعا بولاشاعىن انىقتايدى. ۇلت تاريحىندا تەڭدەسى جوق وراسان زور جوسپارلار ىسكە اسىرىلادى»، - دەپ تولىقتىردى ۆيتسە- پرەمەر. ول سونداي- اق ەلباسى ن. نازاربايەۆ ۇسىنعان «نۇرلى جول» جاڭا ەكونميكالىق ساياساتى «بۇل قازاق مەملەكەتىنىڭ تاۋەلسىزدىك تۋىنىڭ استىندا ماڭگىلىك ەلگە الىپ كەلەتىن جاڭا داۋىرگە ۇزاق جولى» ەكەنىن باسا ايتتى.
كونفەرەنسيا جۇمىسىنا قازاقستان مەن رەسەيدىڭ جەتەكشى عىلىمي ورتالىقتارىنىڭ عالىمدارى قاتىستى.
ب. ساپاربايەۆ بوكەي ورداسى تاريحي- مۋزەي كەشەنىنىڭ ەكسپوزيتسياسىمەن تانىسىپ، «التىن دالا شەجىرەسى» اتتى تەاترلانعان قويىلىمدى تاماشالادى، ونىڭ باستى يدەياسى وتكەن مەن قازىرگى زاماننىڭ اراسىنداعى تىعىز تاريحي بايلانىستى كورسەتۋ بولدى.
جۇمىس ساپارى شەڭبەرىندە ۆيتسە- پرەمەر وبلىس اكىمىمەن، مۇددەلى مەملەكەتتىك ورگانداردىڭ باسشىلارىمەن بىرگە ءبورىلى اۋدانى بەرەزوۆكا اۋىلىنا بارىپ، اۋىل تۇرعىندارىمەن كەزدەسىپ، ولاردىڭ ساۋالدارىنا جاۋاپ بەردى.
