ق ر ۇلتتىق بانكى يپوتەكالىق تۇرعىن ءۇي قارىزدارىن قايتا قارجىلاندىرۋ باعدارلاماسىنا وزگەرىستەر ەنگىزەدى

استانا. قازاقپارات - ۇلتتىق بانكتە يپوتەكالىق تۇرعىن ءۇي قارىزدارىن، يپوتەكالىق قارىزداردى قايتا قارجىلاندىرۋ باعدارلاماسىن ازىرلەۋ جونىندەگى جۇمىس توبىنىڭ وتىرىسى ءوتتى، دەپ حابارلايدى بانكتىڭ باسپا ءسوز قىزمەتى.
None
None

قازاقستانداعى ۆاليۋتالىق ساياساتتىڭ وزگەرۋىنە بايلانىستى جۇمىس توبى بۇل جاعدايدىڭ باعدارلامانى ىسكە اسىرۋعا ىقپالىنا تالداۋ جۇرگىزدى، سونداي- اق ۆاليۋتالىق باعامنىڭ جاڭا رەجىمىن ەسكەرە وتىرىپ، وسى باعدارلامانىڭ ورىندالۋىن تولىق كولەمدە جۇزەگە اسىرۋعا مۇمكىندىك بەرەتىن شارالار قارالىپ، ازىرلەندى.

جۇمىس توبى، سونداي- اق، باعدارلامانى ىسكە اسىرۋ تەتىگىن جەتىلدىرۋگە باعىتتالعان شارالاردى قارادى. باعدارلامانى ىسكە اسىرۋ شەڭبەرىندە قارىز الۋشىلاردىڭ بارىنشا كوپ سانىن قامتۋ ماقساتىندا، جۇمىس توبى مىناداي شەشىمدەر قابىلدادى: تاراپتاردىڭ كەلىسۋى بويىنشا كەپىلمەن قامتاماسىز ەتۋى بانكتەردىڭ بالانسىنا قابىلدانعان قارىزداردى قايتا قارجىلاندىرۋ؛ قارىز بويىنشا قامتاماسىز ەتۋ بولىپ تابىلاتىن تۇرعىن ءۇيدىڭ كولەمىنە قويىلاتىن تالاپتاردى ۇلعايتۋ جاعىنا قاراي وزگەرتۋ تۋرالى. بۇدان باسقا، ءتيىستى وزگەرىستەر ەنگىزىلگەننەن كەيىن باعدارلامادا كەپىل بەرۋشىسى ءۇشىنشى تۇلعا بولاتىن قارىزداردى قايتا قارجىلاندىرۋ، سونداي- اق پروبلەمالىق قارىز الۋشىنىڭ بورىشىن تولەم جاساۋعا قابىلەتتى ادامعا اۋدارۋ مۇمكىندىگى كوزدەلەتىن بولادى.

تالقىلاۋ ناتيجەلەرى بويىنشا جۇمىس توبىنىڭ مۇشەلەرى باعدارلاماعا ءتيىستى وزگەرىستەر ەنگىزۋ بويىنشا شەشىم قابىلدادى. باعدارلاماعا وزگەرىستەردى ۇلتتىق بانك جاقىن ۋاقىتتا ەنگىزەتىن بولادى.

 

سوڭعى جاڭالىقتار