ۇلتتىق مۋزەيدە قازاق قۇقىعىنىڭ تاريحى تۋرالى كورمە اشىلدى

استانا. قازاقپارات - قازاقستان رەسپۋبليكاسىنىڭ ۇلتتىق مۋزەيىندە «قازاق قۇقىعىنىڭ تاريحى» اتتى كورمە اشىلىپ، «كونستيتۋتسيا - قازاقستاندىق قوعامنىڭ نەگىزى» تاقىرىبىندا دوڭگەلەك ۇستەل ءوتتى.
None
None

«قازاقستان رەسپۋبليكاسىنىڭ قازىرگى كونستيتۋتسياسىنىڭ تاريحى عاسىرلار قويناۋىنان باستالادى. ءتىپتى، 1465 -جىلى قۇرىلعان قازاق حاندىعىنىڭ تاريحىمەن تىعىز بايلانىستى. كورمەدە «قازاق قۇقىعىنىڭ تاريحي» تۋرالى كورمەدە قاسىم حاننىڭ قاسقا جولى، ەسىم حاننىڭ ەسكى جولى، تاۋكە حاننىڭ «جەتى جارعىسىنان» باستاۋ الاتىن قازاق ەلىندەگى قۇقىقتىق شارتتار تۋرالى قۇجاتتار بار.

سونىمەن قاتار قازاقستان رەسپۋبليكاسىنىڭ قازىرگى كونستيتۋتسياسىنىڭ العىشارتى 1917 -جىلى 13 -شىلدەدە I جالپى قازاق سەزىندە جاريالانعان الاش اۆتونومياسىنىڭ قاۋلىسىمەن تۇجىرىمدالعان ەدى. كورمەدەگى فوتوقۇجاتتار مەن مۇراعاتتىق ماتەريالدار 1926 -جىلعى قازاق ا ك س ر- نىڭ كونستيتۋتسياسى، قازاق ك س ر- نىڭ 1937 جانە 1978 -جىلعى كونستيتۋتسياسىنىڭ جانە تاۋەلسىز قازاقستاننىڭ 1993, 1995 -جىلدارى قابىلدانعان كونستيتۋتسياسىنىڭ ەرەجەلەرى تۋرالى اقپارات بەرەدى»، - دەيدى ق ر ۇلتتىق مۋزەيى زاماناۋي ونەر ورتالىعىنىڭ كىشى عىلىمي قىزمەتكەرى توعجان ادىلبەكوۆا.

ونىڭ ايتۋىنشا، كورمەدە قۇندى جادىگەرلەر ۇسىنىلعان. ولار - رەسپۋبليكالىق مۇراعاتتاردان الىنعان قۇجاتتاردىڭ كوشىرمەلەرى. سونىڭ ىشىندە مەملەكەت باسشىسى نۇرسۇلتان نازاربايەۆتىڭ 1993 -جىلى كونستيتۋتسيا قابىلدانعان كەزدە ايتقان جانە جازعان سوزدەرىنىڭ كوشىرمەسى بار.

اۆتور: كەنجەكەي توقتامۇرات قىزى

سوڭعى جاڭالىقتار