ەكىنشى يەكتى كەتىرۋدىڭ جولى

الدىمەن ەكىنشى يەك شىعۋىنىڭ الدىن الۋ شارالارىن ايتا كەتەيىك.
سالماعىڭىزدى ۇنەمى قالىپتا ۇستاپ، سپورتپەن شۇعىلدانعانىڭىز ءجون. بەتكە ارنالعان ارنايى گيمناستيكانى جاساپ تۇرىڭىز.
يەكتى قالىپقا كەلتىرۋ ءۇشىن ۇنەمى جاتتىعۋ جاساپ تۇرۋ كەرەك:
- كۇندە ون بەس مينۋت بويى «ي، ۋ» دىبىستارىن مەيلىنشە قاتتى داۋىستاۋعا تىرىسىڭىز. سوندا تومەنگى بۇلشىق ەتتەر كۇشەنىپ، جاتتىعادى؛
- جۇدىرىقتى قىسىپ الىپ، يەك استىنان ۇستاپ، جوعارى قاراي يتەرىڭىز. ال يەكتى كەرىسىنشە تۇسىرۋگە تىرىسىڭىز.
گيمناستيكامەن قاتار بەتكە ارنالعان ارنايى كوسمەتيكالىق پروتسەدۋرالار جاساپ تۇرۋعا بولادى. ول ءۇشىن داكەنى ليمون شىرىنىمەن سۋلاپ، يەكتى وراڭىز. كەپكەن سوڭ داكەنى الىپ تاستاڭىز. سودان سوڭ مىندەتتى تۇردە نارلەندىرۋشى ءيىسماي جاعىڭىز. جارتى ساعاتتان سوڭ يەكتى سالقىن سۋعا سۋلانعان داكەمەن قايتادان وراۋ كەرەك.
تەرىنى نارلەندىرىپ، ىلعالداندىرۋ ءۇشىن بالمەن ماسساج جاساۋ كەرەك. ول ءۇشىن بالدى يەككە جاعىپ، تەرى قىزارعانشا ۋقالاڭىز. سودان سوڭ جىلى سۋمەن جۋىنىڭىز.
اجارىڭىز سۇلۋ بولسىن دەسەڭىز، دۇرىس تاماقتانۋ كەرەكتىگىن ۇمىتپاڭىز. جۇيەلى تۇردە ماسكالار مەن جاتتىعۋلار جاساپ تۇرىڭىز.
ىسكە ءسات!
massaget.kz